ايماقتار • 29 ناۋرىز، 2020

اقتوبەلىك IT ماماندار ينتەرنەتسىز قاشىقتان وقىتۋ جۇيەسىن ۇسىندى

26 رەتكورسەتىلدى

كەشە  اقتوبە وبلىسىنىڭ اكىمى وڭداسىن ورازالين العا اۋدانى بەستاماق اۋىلىنداعى «بەستاماق ورتا مەكتەبى» كمم  بولدى. ايماق باسشىسى  ءبىلىم ورداسىنداعى قاشىقتان  وقىتۋعا ارنالعان جۇمىستاردىڭ  دايىندىعىمەن  تانىستى. 

اتالعان مەكتەپكە  اقتوبەلىك  IT ماماندارى   راديوبايلانىس  جۇيەسىن پيلوتتىق جوبا رەتىندە ەنگىزگەن. راديوبايلانىس جۇيەسى  ينتەرنەتى جوق اۋىلدى ەلدىمەكەندەر ءۇشىن تاپتىرماس قۇرال بولىپ وتىر. 

ەلىمىز بويىنشا العاش جۇزەگە اسىرىلعان پيلوتتىق جۇيە  وقۋشىلاردىڭ  قاشىقتىقتان ءبىلىم الۋىنا  مۇمكىندىك بەرەدى. وبلىس اكىمى وڭداسىن ورازالين راديوبايلانىس ارقىلى   وقۋشىلارمەن  تىلدەسىپ، بايلانىستىڭ ساپالىلىعىنا كوز جەتكىزىپ  كوردى. «بالالار، سىزدەر  6-ساۋىردەن باستاپ قاشىقتان وقۋدى باستايسىزدار.  سىزدەردىڭ ساپالى ءبىلىم الۋلارىڭىز ءۇشىن ءبىز  بار مۇمكىندىكتى جاسايمىز. ەلىمىزدە قانداي جاعداي بولماسىن جاستار ءبىزدىڭ بولاشاعىمىز ەكەنىن  ۇمىتپايمىز»،-دەگەن  ءوڭىر باسشىسى  بالالارعا   Covid-19 ىندەتىنە بايلانىستى قاشىقتان   ءبىلىم الۋعا تۋرا كەلەتىندىگىن تۇسىندىردى.

ا

اۋدان اكىمى   مامىرعالي اققاعازوۆ قازىردە اۋدانداعى بولگاركا، سارىقوبدا،  امانگەلدى، قارابۇلاق مەكتەپتەرىنە وسى بايلانىستىڭ اسا قاجەتتى ەكەندىگىن جەتكىزدى. وبلىس اكىمى IT ماماندارعا ءبىلىم باسقارماسىمەن بىرىگە وتىرىپ،  وبلىس بويىنشا مۇنداي راديوبايلانىستىڭ قانشا اۋىلعا قاجەتتىلىگىن انىقتاۋدى تاپسىردى.

سوڭعى جاڭالىقتار

ۇقساس جاڭالىقتار