قازىر ەڭ وزەكتى ماسەلەنىڭ ءبىرى كوروناۆيرۋستىق ينفەكتسيانىڭ الدىن الۋ باعىتىندا حالىق اراسىندا تۇسىندىرمە جۇمىستارىن جۇرگىزۋ بولىپ وتىر.
وسىعان بايلانىستى شىمكەنت قالاسىنىڭ اكىمدىگى قۇزىرلى ورگان قىزمەتكەرلەرىمەن بىرلەسىپ, ادام قاراسى كوپ جەرلەردە دىبىس ۇلعايتقىش قۇرالدىڭ كومەگىمەن ساقتىق شارالارى تۋرالى اقپاراتتار بەرۋدە.
شىمكەنت قالاسى توتەنشە جاعدايلار دەپارتامەنتىنىڭ اۆتوكولىگىمەن ادام كوپ جۇرەتىن كوشەلەردە, اۋلالار مەن بازارلاردا, قوعامدىق ورىنداردا قاۋىپسىزدىك شارالارىن ساقتاۋ تۋرالى ايتىلىپ, وقىس جاعدايدا ۇرەي تۋعىزباۋ, كوپشىلىك ورىندارعا بارماۋ, جالعان اقپارات تاراتپاۋ, مۇمكىندىگىنشە ۇيدە وتىرۋ جايلى تۇسىندىرىلۋدە.
شىمكەنتتەگى پوليتسيا مەن مەديتسينا قىزمەتكەرلەرى كۇشەيتىلگەن رەجيمگە كوشتى. قالاداعى قوعامدىق ورىندار دەزينفەكتسيالانۋدا.
ەسكە سالا كەتسەك, قازىرگى تاڭدا شىمكەنت قالاسىنا كىرەتىن-شىعاتىن اۆتوجولداردا 12 بلوك بەكەتى قويىلعان. بلوك بەكەتتەردە مەديتسينا ماماندارى حالىقتى اقپاراتتاندىرۋ, ازاماتتاردىڭ قوزعالىسىن باقىلاپ, دارىگەرلەر جولاۋشىلاردىڭ دەنە قىزۋىن ولشەيدى.
شىمكەنت
