ايماقتار • 29 ناۋرىز، 2020

اقتوبەدە وڭىرلىك جەدەل ارەكەت ەتۋ شتابىنىڭ كەزەكتى وتىرىسى ءوتتى

123 رەتكورسەتىلدى

جۇما كۇنى اقتوبە وبلىسىنىڭ اكىمى وڭداسىن ءورازاليننىڭ توراعالىعىمەن، وبلىستىق ءماسليحات حاتشىسى ءسانيا قالدىعۇلوۆا، وبلىس اكىمىنىڭ ورىنباسارلارى نۇرجاۋعان قالاۋوۆ، امانعالي بەردالين، مەيرامبەك شەرماعانبەت، رۋسلان قامباروۆ، ۆيدەوبايلانىس ارقىلى قالا جانە اۋدان اكىمدەرىنىڭ، پوليتسيا دەپارتامەنتى باسشىسىنىڭ ءبىرىنشى ورىنباسارى قانات اليەۆ، وبلىس پروكۋراتۋراسىنىڭ باسقارما باستىعى ازامات كۋستانوۆ جانە باسقارما باسشىلارىنىڭ قاتىسۋىمەن شتاب وتىرىسى ءوتتى.

وبلىس اكىمىنىڭ ءبىرىنشى ورىنباسارى نۇرجاۋعان قالاۋوۆ وبلىستىق پروكۋراتۋرانىڭ ۇيلەستىرۋىمەن اۋداندىق پروكۋراتۋرالاردىڭ جانە جەرگىلىكتى پوليتسيا قىزمەتىنىڭ موبيلدىك توپتارىنىڭ بىرلەسكەن رەيدتىك ءىس-شارالارى بارىسىندا ەلىمىزدە ەنگىزىلگەن توتەنشە جاعداي كەزىندە قۇقىقتىق ءتارتىپتى بۇزۋ فاكتىلەرىنىڭ  انىقتالعانىن حابارلادى. «تج  كەزىندە شەكتەۋلەردى ساقتاماعانى ءۇشىن  كافەلەردىڭ، بارلاردىڭ، قوعامدىق تاماقتانۋ ورىندارىنىڭ 15 قوجايىنى، 5 ساۋدا ءۇيى، مونشالار مەن بۋكمەكەرلىك كەڭسەلەردىڭ جانە ويىن كلۋبتارىنىڭ يەلەرى اكىمشىلىك جاۋاپكەرشىلىككە تارتىلدى. سونىمەن قاتار، الەۋمەتتىك جەلىدە قوعامدىق تارتىپسىزدىك تۋعىزاتىن جالعان اقپاراتتى جاريالاعانى ءۇشىن 2 ازاماتقا  ارانداتۋشىلىق  ارەكەتتەرى ءۇشىن  بىرەۋى 3 تاۋلىككە قامالدى، ەكىنشىسىنە  40 ايلىق ەسەپتىك كورسەتكىشتە  ايىپپۇل سالىندى»،-دەپ اتاپ ءوتتى نۇرجاۋعان قالاۋوۆ.

«قازىرگى جاعدايلارعا بايلانىستى كەيبىر ازاماتتارىمىز تارتىپكە باعىنباۋ فاكتىلەرى كەزدەسىپ وتىر، وقشاۋعا الىنعان ءاربىر ادامنىڭ  ۇيىنەن شىقپاۋى  قاتاڭ باقىلانسىن. دەنى ساۋ ازاماتاردىڭ دەنساۋلىعىنا قاۋىپ توندىرگەندەردىڭ ەشبىرى   جازاسىز قالمايدى»،- دەدى وڭداسىن ورازالين.
ايماق باسشىسى اۋىلدىق جەرلەردە     جاسىرىن جيىن، سالت- داستۇرلىك شارالاردى  وتكىزۋ فاكتىسى تىركەلسە ەڭ الدىمەن اۋدان اكىمىنىڭ جازالاناتىنىن دا ەسكە سالدى.

سونداي-اق، وبلىستىق ءماسليحات حاتشىسىنا دەپۋتاتتارمەن جانە قوعام بەلسەندىلەرىمەن بىرىگە وتىرىپ، بازارلار مەن ساۋدا ۇيلەرىندەگى دەزينفەكتسيا جۇمىستارى مەن ازىق- ت ۇلىك باعالارىنا تەكسەرۋلەردى كۇشەيتۋ قاجەتتىگىن تاپسىردى. وبلىس اكىمى ورىنباسارلارىنا بىرقاتار تاپسىرمالاردى جۇكتەدى. رۋسلان قامباروۆقا اۋرۋحاناعا وقشاۋدا جاتقىزىلعان ازاماتتاردىڭ جاعدايىن باقىلاۋ جانە ولارعا قىزمەت كورسەتەتىن  مەديتسينا  قىزمەتكەرلەرىنە  ۇستەماقى بەرۋ بويىنشا شارالار قابىلداۋ كەرەكتىگىن ايتتى. ايماق باسشىسى كوكتەمگى   دالا جۇمىستارىنىڭ  دايىندىعىنا قاتىستى بىرقاتار ەسكەرتۋلەر جاسادى. ءداندى -داقىل، تۇقىم، جانار- جاعار ماي ت.ب قاجەتتى ماتەريالداردى ىجداعاتتاپ الۋ مەحانيزمدەرىن قاراستىرماۋ سەبەپتى كوكتەمگى  دالا جۇمىستارىن باستاي   الماي وتىرعان اۋدان اكىمدەرىنە قاتاڭ ەسكەرتۋ بەردى. ماسەلەنى قالىپقا كەلتىرۋدى امانعالي بەردالينگە تاپسىردى.

سوڭعى جاڭالىقتار

ۇقساس جاڭالىقتار