الەم • 29 ناۋرىز، 2020

ۇندىستانداعى وتانداستارىمىزدى قايتارۋ ءۇشىن ۇشاق جىبەرىلەدى

39 رەتكورسەتىلدى

قازاقستان ءۇندىستاندا قالعان 100-گە جۋىق وتانداسىمىزدى ەلگە قايتارۋ ءۇشىن ۇشاق جىبەرەدى. بۇل تۋرالى قازاقستاننىڭ ۇندىستانداعى ەلشىسى ەرلان الىمباەۆ حابارلادى.

قازاقستاننىڭ ۇندىستانداعى ەلشىسى ەرلان الىمباەۆ Facebook پاراقشاسىندا ارنايى بەينە-جولداۋىن جاريالادى.

«وزدەرىڭىز بىلەتىندەي، ءۇندىستاندا كارانتين جاريالاندى. ياعني، 14 ساۋىرگە دەيىن ەل ىشىندەگى كوپتەگەن ءىس-شارالارعا شەكتەۋ قويىلدى. بۇعان دەيىن 15 ءساۋىر ارالىعىندا حالىقارالىق اۋە رەيستەرىنە دە شەكتەۋ قويىلعان بولاتىن. وسىنى ەسكەرە وتىرىپ، ءۇندىستاندا قالعان 100-گە جۋىق قازاقستاندىق ءۇشىن قولايسىزدىقتار بولاتىنىن جوققا شىعارمايمىز»، - دەدى ە. الىمباەۆ.

ەلشىنىڭ ايتۋىنشا، قازاقستان ۇكىمەتى وتانداستارىمىزدىڭ ورالۋى ءۇشىن ارنايى ۇشاق جىبەرەدى.

«قر ۇكىمەتى قازاقستاندىقتار ءۇشىن ارنايى كوممەرتسيالىق ۇشاق جولداۋدى جوسپارلاپ وتىر. كەلىسىم بولعان جاعدايدا «گوا-شىمكەنت» نەمەسە «دەلي-گوا-شىمكەنت» باعىتىندا ۇشاتىن بۇل ۇشاق 125-140 جولاۋشىنى الىپ كەتە الادى. 100 جولاۋشى بولعان جاعدايدا بيلەت قۇنى 650-700 دوللار قۇرايتىنىن ەسكەرۋدى سۇرايمىن. كوپتەگەن ازاماتتار بۇل باعانىڭ جوعارى ەكەنىن اشىق ايتتى. دەگەنمەن، ءۇندىستاندا 14-نەن كەيىن دە كارانتين ۋاقىتى ۇزارتىلاتىنىن ەسكەرە وتىرىپ، ويلانىپ، ەلشىلىككە حابارلاسىڭىزدار»، دەدى ەلشى.

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار