ايماقتار • 29 ناۋرىز، 2020

ەلورداداعى 16 ناۋقاس ۆيرۋس جۇقتىرعاندارمەن تىعىز بايلانىستا بولعان

64 رەتكورسەتىلدى

ەلوردادا تىركەلگەن سوڭعى 16 ناۋقاس ۆيرۋس جۇقتىرعاندارمەن تىعىز بايلانىستا بولعان. بۇل تۋرالى نۇر-سۇلتان قالالىق قوعامدىق دەنساۋلىق ساقتاۋ باسقارماسىنىڭ باسشىسى ساۋلە قيسىقوۆا حابارلادى.

قالاداعى جۇقپالى، پراۆيزورلىق جانە كارانتيندىك اۋرۋحانالاردا 1536 ادام جاتىر. ونىڭ 106-سى – 18 جاسقا تولماعان بالالار. قازىرگى ۋاقىتتا ەلوردادا كوروناۆيرۋس جۇقتىرۋدىڭ 151 جاعدايى تىركەلگەن. ونىڭ 13 اۋرۋحانادا جازىلىپ، ۇيلەرىنە جىبەرىلدى.

«29 ناۋرىزداعى جاعداي بويىنشا كوروناۆيرۋس جۇقتىرعان 16 جاعداي تىركەلدى. ولار بۇرىن ستاتسيونارلىق باقىلاۋدا بولعان نەمەسە ۇيلەرىندە وقشاۋلانعان ادامدار، سونداي-اق اۋىرىپ قالۋى مۇمكىن ادامدارعا مونيتورينگ جاساۋ پروتسەسىندە انىقتالعاندار»، - دەپ حابارلادى باسقارما باسشىسى.

ساۋلە قيسىقوۆا قالادا ناۋقاستارمەن بايلانىستا بولعان تۇلعالاردى بەلسەندى تۇردە انىقتاۋ جۇرگىزىلەتىندىگىن حابارلادى.

ء«بىز ولاردى وقشاۋلاۋ بويىنشا قاتاڭ جۇمىس جۇرگىزۋدەمىز. بۇل تۇلعالاردان سوڭعى تىركەلگەن جاڭا جاعدايلار انىقتالۋدا. كوروناۆيرۋستىق ينفەكتسيانى تاسىمالداۋشى ەكەنى انىقتالعانداردىڭ ارقايسىسى كەمىندە 30-50 اداممەن بايلانىستا بولعان. بۇل ادامدار اتالمىش ينفەكتسيانىڭ بەلسەندى تاسىمالداۋشىسى بولىپ تابىلمايدى»، - دەدى باسقارما باسشىسى.

 

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار