وسى اپتادا قالاداعى ساياباقتاردىڭ بىرىندە سۇلاپ جاتقان ءولى كوگەرشىندەرگە قاتىستى دا وسىنداي بولجامدار ايتىلعان بولاتىن. ال اكىمدىك بۇل بولجامنىڭ ەشقانداي نەگىزسىز ەكەنىن ايتىپ, دەزينفەكتسيالاۋ قۇرالدارىنىڭ ادام مەن جانۋارلارعا ەشقانداي زيانى جوقتىعىن العا تارتتى.
كەزەكتى ۆيدەوعا قاتىستى تۇسىنىك بەرگەن قالالىق كاسىپكەرلىك پەن ينۆەستيتسيالىق دامۋ باسقارماسىنىڭ وكىلدەرى دە بۇل پىكىرمەن كەلىسپەيدى.
«الەۋمەتتىك جەلىدەگى اقپاراتقا سايكەس قالالىق ۆەتەرينارلىق قىزمەت وكىلدەرى مەن باسقارمانىڭ ۆەتەرينارلىق دارىگەرى جەدەل تۇردە وقيعا ورنىنا باردى. ولار كەلگەندە جانۋارلار وقيعا ورنىندا بولماعان. ال كوشەنىڭ بويىندا سۋ قۇيىلعان پلاستيك كونتەينەرلەر مەن تاماق سالىنعان ىدىستار تابىلدى. جەرگىلىكتى تۇرعىنداردىڭ ايتۋىنشا, ادامدار قاڭعىپ جۇرگەن يتتەرگە تاماق بەرگەن. جاعداي تاعى دا باقىلانىپ جاتىر», - دەدى باسقارما وكىلدەرى.
