الەم • 29 ناۋرىز، 2020

قازاقستاندىق ديپلوماتتار چەحياداعى وتانداستارىمىزدى ەۆاكۋاتسيالادى

58 رەتكورسەتىلدى

قازاقستان رەسپۋبليكاسىنىڭ چەحياداعى ەلشىلىگى وتانداستارىمىزدىڭ ەلگە ورالۋىنا كومەكتەسىپ جاتىر. بۇل تۋرالى ءسىم ءباسپاسوز قىزمەتى حابارلادى.

ەلشىلىكتىڭ حابارلاۋىنشا، چەحيا كوروناۆيرۋستىڭ تارالۋىنا تاپ بولعان كوپتەگەن ەلدەردىڭ ءبىرى بولىپ تابىلادى. توتەنشە جاعداي ەنگىزىلگەننەن كەيىن ۇنەمى تاۋسىلمايتىن تۋريستەردىڭ اعىمىنا ۇيرەنگەن چەحيا كوشەلەرى ءبىر ساتتە بوساپ قالدى.

چەحيا

«تاڭەرتەڭنەن باستاپ قازاقستاندىق ديپلوماتتار وسى ەلدە قالعان ءبىزدىڭ ازاماتتارىمىزعا كومەك كورسەتۋ ءۇشىن جولعا شىعادى. وتانداستارىمىز چەحيانىڭ ءارتۇرلى قالالارىندا تۇرادى. سوندىقتان ءبىر ورىندا باعىت قۇرۋ قاجەت. بۇگىن قازاقستان رەسپۋبليكاسىنىڭ ەلشىسى مارات ءتاجيننىڭ تاپسىرماسى بويىنشا قازاقستاندىق ديپلوماتتار پراگادان 120 شاقىرىمدا ورنالاسقان كىشىگىرىم بەحين قالاسىنا ورتا مەكتەپتە ءبىلىم الاتىن جاس ازاماتتاردى وسى قالادان ەۆاكۋاتسيالاۋ ءۇشىن جولعا شىقتى. بالالاردىڭ كەيبىرەۋى جاقىندا عانا 16 جاسقا تولعان. مەكتەپ بىتىرگەننەن كەيىن ولار پراگانىڭ جوعارى وقۋ ورىندارىنا ءتۇسۋدى جوسپارلاپ وتىر. ال قازىر ەلگە ورالعىلارى كەلەدى»، - دەدى ەلشىلىكتەن.

بارلىق بالالارعا قورعاۋ ماسكىلەر بەرىلدى. بالالاردىڭ بارلىق زاتتارى كولىككە ارتىلعاننان كەيىن كولىك تىكەلەي پراگاداعى حالىقارالىق اۋەجايعا جول تارتتى. جولدار ابدەن بوس، كەيدە باعىتتاس كولىكتى كورۋگە بولادى. ەلدە ءومىر توقتاپ قالعان سياقتى. پراگا اۋەجايى بوساپ قالعانىن كورۋگە بولادى. شەتەل ازاماتتاردى قايتارۋ ءۇشىن عانا ساناۋلى رەيستەر ۇشۋدا. چەحيا ازاماتتارىنا ءوز ەلىنەن كەتۋگە تيىم سالىنعان. توتەنشە جاعداي مەن كارانتين ەنگىزىلگەن.

چەح

اۋەجايعا جەتكەن سوڭ  «بەلاۆيا» اۋەكومپانياسىنىڭ  پراگا-مينسك رەيسىنە تىركەۋ مەن وتىرعىزۋ جۇمىسى باستالدى. بۇگىنگى كۇنى چەحيادان قازاقستانعا جەتۋ ءۇشىن بۇل جالعىز عانا باعىت بولىپ تابىلادى. باسقا رەيسكە تىركەۋ پۋنكتەرى جابىق. كوپتەگەن ادامدار وزدەرىنىڭ رەيستەرىن كۇتۋدە، ۇنەمى رەيستى كەيىنگە قالدىرادى.

چەە

«جاس ازاماتتارعا بەحين قالاسىنان پراگاعا دەيىن ادەتتەگى كۇندەرى دە جەتۋ قيىن بولىپ تۇر. ەڭ الدىمەن ءبىر قالاعا جەتىپ، سول قالادان ەلەكتريچكاعا وتىرۋ كەرەك. ءبىزدىڭ بالالارىمىزدىڭ قازاقستانعا ورالۋىنا تولىقتاي قولداۋ كورسەتكەن چەحيالىق دوستار مەن ارىپتەستەرگە العىسىمىزدى بىلدىرەمىز»، - دەدى ەلشىلىكتەن.

چچچ

چچچ

 

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار