ايماقتار • 29 ناۋرىز، 2020

كاسىپكەرلەر پالاتاسى كارانتين كەزىندە جۇمىسسىز قالعانداردى جۇمىسقا ورنالاستىرۋعا ىقپال ەتتى

58 رەتكورسەتىلدى

الماتىعا قالا ماڭىنداعى جۇمىسشىلاردىڭ كىرۋىنە تىيىم سالىنۋىنا بايلانىستى كەيبىر كومپانيالاردا جۇمىسشىلار سانىنىڭ جەتىسپەۋشىلىگى ورىن الىپ وتىر. سونداي-اق، كاسىپكەرلەر پالاتاسى توتەنشە جاعداي كەزىندەگى كادرلىق ماسەلەلەردى انىقتاۋ ماقساتىندا 874 كاسىپورىننىڭ جۇمىسشىلارىن جۇمىستان بوساتۋىنا بايلانىستى ونلاين-ساۋالناما جۇرگىزگەن.

وسى كاسىپورىندارداعى 16 869 جۇمىسشىنىڭ 7 202 قىزمەتكەرى نەمەسە 25،4% ەڭبەكاقىسىز دەمالىسقا جىبەرىلدى. الداعى ۋاقىتتا تاعى دا 1617 قىزمەتكەر جۇمىستان بوساتىلادى. وسى ورايدا كاسىپكەرلەر پالاتاسى تاراپىنان جۇمىسقا ورنالاستىرۋ ماسەلەسى بويىنشا 16 كومپانيامەن كەلىسسوزدەر ءجۇرىپ، بۇگىنگى تاڭدا 254 ءوتىنىش بەرگەندەر جۇمىسقا ورنالاسقان. 

الماتى قالاسى كاسىپكەرلەر پالاتاسىنىڭ ديرەكتورى ناريمان ابىلشايىقوۆ «بيزنەس ەشقاشان توتەنشە جاعدايدى بۇزباۋى كەرەك ەكەنىن اتاپ وتكىم كەلەدى. بەلگىلەنگەن شەكتەۋلەرگە قاراماستان، كەيبىر نىساندار جۇمىسىن جالعاستىرۋعا نيەتتى. كاسىپكەرلەردى اكىمشىلىك جاۋاپكەرشىلىككە تارتۋ، ونىڭ ىشىندە قاماۋعا الۋ جاعدايلارى دا كەزدەسۋدە. سوندىقتان دا ءبىز بيزنەستى جاۋاپكەرشىلىك تۋرالى ەسكەرتىپ، زاڭدى تالاپتاردى ساقتاۋعا شاقىرامىز» دەپ اتاپ ءوتتى.

سۇراقتار تۋىنداعان جاعدايدا الماتى قالاسى كاسىپكەرلەر پالاتاسىنىڭ سەنىم تەلەفوندارىنا حابارلاسۋعا بولادى: 8 (727) 3310133 ىشكى 7555، بايلانىس ورتالىعى: +7 708 178 61 08. قر ۇەپ «اتامەكەن» بايلانىس ورتالىعى 1432.

 

الماتى

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار