ەل پرەزيدەنتىنىڭ نۇسقاۋىنا سايكەس ەلىمىزدىڭ قورعانىس جانە سىرتقى ىستەر مينيسترلىگى, سونداي-اق تاجىكستاننىڭ مەملەكەتتىك ورگاندارىنىڭ بىرلەسكەن كۇش-جىگەرىنىڭ ناتيجەسىندە وتانداستارىمىز ەلگە ورالدى. قاۋىپسىزدىك ماقساتىندا ولارمەن بىرگە اسكەري دارىگەرلەردىڭ مەديتسينالىق توبى بىرگە ۇشىپ كەلدى. ەلگە ورالعان قازاقستاندىقتاردىڭ اراسىندا كوروناۆيرۋستى جۇقتىرعاندار جوق. بارلىق جولاۋشىلاردىڭ دەنساۋلىقتارى قالىپتى. دەگەنمەن, تالاپقا سايكەس ەلگە ورالعاندار مەديتسينالىق تەكسەرۋدەن ءوتىپ, ينفەكتسيالىق باقىلاۋ تالاپتارىن ساقتاي وتىرىپ, كارانتينگە ورنالاستىرىلادى.
بۇعان دەيىن قازاقستان ااك اسكەري-كولىك اۆياتسياسى ماماندارى ساۋد ارابياسىنان 33, كۋۆەيتتەن 2, قىرعىزستاننان 21 قازاقستاندىقتى ەۆاكۋاتسيالاعان بولاتىن.
وتانىنا ورالعان قازاقستاندىقتار قازاقستان ۇكىمەتى مەن قورعانىس مينيسترلىگىنە العىسى شەكسىز ەكەندىگىن ءبىلدىردى.
الماتى
