الەم • 28 ناۋرىز، 2020

رەسەيدەن شەتەل اسقان قارجى سالىعى 15 پايىزعا ۇلعايادى

15 رەتكورسەتىلدى

رەسەيدە شەتەلگە كەتەتىن ديۆيدەندتەرگە سالىناتىن سالىق مولشەرى 15 پايىزعا ۇلعاياتىن بولدى. ەگەر دە بۇل تالاپتارمەن كەلىسپەيتىن بولسا، ونداي مەملەكەتتەرمەن ەل ۇكىمەتى كەلىسىمدەردەن باس تارتادى.

رەسەي پرەزيدەنتى ۆلاديمير پۋتين پايىزدار مەن ديۆيدەندتەر تۇرىندە رەسەيدەن تىس ەلدەرگە وففشورلىق يۋريسديكتسيالارعا كەتەتىن بارلىق تولەمدەرگە ءتيىستى مولشەردە سالىق سالىنۋى كەرەك دەپ مالىمدەدى. قازىرگى كەزدە جەكە تۇلعالاردىڭ بۇل سحەما بويىنشا سالىعى بار-جوعى 2 پايىزدى  قۇرايدى.

ال تابىسى از ازاماتتار تاپقان تابىسىنان 13 پايىز سالىق تولەپ وتىر. وسى ورايدا ادىلەتسىزدىك ورنىقپاۋ ءۇشىن سالىق مولشەرلەمەسىن 15 پايىزعا كوتەرۋ قاجەتتىگىن ايتقان ۆ.پۋتين بۇل ءوز كەزەگىندە كەيبىر مەملەكەتتەرمەن قوسارلانعان سالىق تۋرالى كەلەسىمدەرگە تۇزەتۋ ەنگىزۋدى قاجەت ەتەدى دەدى. بۇل باعىتتاعى جۇمىستاردى ەل ۇكىمەتىنە تاپسىرعان رەسەي باسشىسى ەگەر شەتەلدىك سەرىكتەستەر ۇسىنىستى قابىلداماعان جاعدايدا بىرجاقتى تارتىپپەن بۇل كەلىسىمدەردەن شىعامىز دەپ اتاپ ءوتتى.

 

سوڭعى جاڭالىقتار

ۇقساس جاڭالىقتار