سالا ماماندارى جەر-جاھان تۇرعىندارىنا ءبىرىنشى بولىپ كومەككە كەلەتىن ماماندار. سوندىقتان دۇنيەجۇزىلىك دەنساۋلىق ساقتاۋ اسسامبلەياسى 2020 جىلدى حالىقارالىق مەيىربيكە ءىسى جانە ورتا مەديتسينا قىزمەتكەرلەرى جىلى دەپ جاريالادى. اتالعان ۇيىم زەرتتەۋلەرىنە سايكەس, 2030 جىلعا دەيىن ادامزات دەنساۋلىعىن جان-جاقتى باقىلاۋعا الۋ ءۇشىن مەيىربيكە ءىسى مەن اكۋشەرلىك سالادا 9 ميلليون قوسىمشا جۇمىس ورنىن قۇرۋ قاجەتتىگى تۋىنداپ وتىر.
سوندىقتان دا ددسۇ ءوز سەرىكتەستەرىنە, ونىڭ ىشىندە حالىقارالىق اكۋشەرلىك كونفەدەراتسياعا (مسم), حالىقارالىق مەيىربيكە ءىسى كەڭەسىنە, بۇۇ حالىقتىق قورىنا (يۋنفپا) قوسىلىپ, الەمدەگى ادامزات دەنساۋلىعى ءۇشىن ناۋقانعا قوسىلۋعا شاقىرادى. ءارى مەيىربيكە ءىسى جانە ورتا مەديتسينا قىزمەتكەرلەرىنىڭ جۇمىسىنا, ولار تاپ بولاتىن قيىن جاعدايلارعا نازار اۋدارا وتىرىپ, مەيىربيكە ءىسى مەن ورتا مەديتسينا قىزمەتكەرلەرىن دامىتۋعا قارجى ءبولۋدىڭ ماڭىزدىلىعىن ەسكەرتەدى.
