كولىكتەر بارا المايتىن ماڭعا اتتى پاترۋلدەر شۇعىل جاعدايدا جۇمىلدىرىلاتىن بولادى. پوليتسيا قىزمەتكەرلەرىنە اتتاردى بەلسەندى ازاماتتار تەگىن بەرىپ وتىر, دەلىنگەن polisia.kz مالامەتتەرىندە. بۇگىندە الاتاۋ اۋدانىنىڭ «راحات» جانە «مادەنيەت» ىقشام اۋداندارى ءتارىزدى شالعاي ەلدى مەكەندەر اۋماعىنداعى ادام اياعى جەتە المايتىن ۋچاسكەلەر باقىلاۋعا الىنعان. الاتاۋ اۋداندىق پوليتسيا ءبولىمىنىڭ باستىعى ۇ.ابىلقايىردىڭ ايتۋىنشا, اتالعان اۋىلدار ارقىلى الماتى وبلىسىنىڭ اۋماعىنا اينالما جولدارمەن كىرۋگە بولادى. الايدا قازىرگى كەزدە بۇل باعىتتاردا بەتون پليتالارىنان قورعانىس ورناتىلىپ, اتتى پاترۋلدەر جۇمىسى كۇشەيتىلگەن. زاڭسىز ارەكەتتەر مەن ءتارتىپ بۇزۋشىلىقتار جايىندا ۋچاسكەلىك ينسپەكتورلار دەر كەزىندە ورتالىقتى حابارلاندىرىپ وتىرادى.
الماتى
