ورتالىق قاجەتتى قۇرالدارمەن جابدىقتالعان. سەگىز ءجۇز دانا تەست قوندىرعىسى بار. ەكى كۇن ىشىندە تاعى قوسىمشا مەديتسينالىق بۇيىمدار اكەلىنەدى.
گۇلشارا ابدىقالىقوۆا ورتالىقتاعى مەديتسينالىق قۇرال-جابدىق قورى جانە ادام اعزاسىندا قاۋىپتى ىندەتتى انىقتاۋعا ارنالعان ءادىس-تاسىلدەرىمەن تانىسا كەلە, وزەكتى پروبلەمالارعا دا قانىقتى. قازىر ورتالىققا زالالسىزداندىرۋ جۇمىستارىن ساپالى جۇرگىزۋ ءۇشىن ارنايى كيىمدەر قاجەت. ءوڭىر اكىمى جاۋاپتى سالا باسشىلارىنا وسى باعىتتا ناقتى تاپسىرمالار جۇكتەلدى.
وسى كۇنى وبلىستىق جۇقپالى اۋرۋلار اۋرۋحاناسىنا بارعان ايماق باسشىسى ەمدەۋ مەكەمەسىندە اتقارىلىپ جاتقان جۇمىستارمەن تانىستى.
وبلىستىق دەنساۋلىق ساقتاۋ باسقارماسىنىڭ باسشىسى جاقسىلىق ابدىسامەتوۆ وڭىردە كوروناۆيرۋستىڭ تارالۋىن بولدىرماۋ باعىتىندا قولعا الىنعان شارالار جونىندە ەسەپ بەردى. اۋرۋحانادا ەم الىپ جاتقان ناۋقاستاردىڭ حال-احۋالىن باياندادى.
اۋرۋحانا جۇمىسىمەن تانىسقان گۇلشارا ناۋشاقىزى ەمدەۋ ورنىنداعى توسەك ورىنداردى كوبەيتۋ جونىندە تاپسىرما بەردى.
