ايماقتار • 28 ناۋرىز، 2020

الماتىلىقتار حقو-لارعا تاپسىرعان قۇجاتتارىن قالاي الۋىنا بولادى؟

53 رەتكورسەتىلدى

كورونوۆيرۋس ىندەتىنىڭ جايىلۋىنا جول بەرمەۋ ماقساتىندا حالىققا قىزمەت كورسەتۋ ورتالىقتارىنىڭ  جابىلعانى بەلگىلى. وسى رەتتە الماتىلىق ازاماتتار دايىن بولعان قۇجاتتارىن قالاي الۋىنا بولادى؟ بۇل تۋرالى «ازاماتتارعا ارنالعان ۇكىمەت» مەملەكەتتىك كورپوراتسياسى الماتى فيليالىنىڭ وكىلدەرى حابارلادى.

30 ناۋرىزدان باستاپ الماتى قالاسىندا دايىن قۇجاتتاردى بەرۋ ءۇشىن جاندوسوۆ كوشەسى، 51. مەكەنجايىنداعى اۋەزوۆ اۋداندىق حالىققا قىزمەت كورسەتۋ ورتالىعى بىرىڭعاي تەرەزە رەتىندە جۇمىس ىستەيدى. مۇندا الماتىلىقتار ونلاين تۇردە كورسەتىلەتىن مەملەكەتتىك قىزمەتتەردىڭ دايىن ناتيجەسىن الا الادى. eGov پورتالىندا قىزمەت ناتيجەسى قاعاز تۇرىندە بەرىلەتىن 23 ءتۇرلى مەملەكەتتىك قىزمەت بار.

«سونىمەن قاتار، الماتى قالاسىنداعى التى مامانداندىرىلعان حقو-لارداعى دايىن قۇجاتتاردى بەرۋ ءۇشىن، مايلين كوشەسى، 85. مەكەنجايىنداعى №2 مامانداندىرىلعىن حقو تەرەزەسى جۇمىس ىستەيدى. وندا اۆتوكولىگىن قايتا تىركەۋگە قويعان نەمەسە جۇرگىزۋشى كۋالىگىن ونلاين اۋىستىرعاندار دايىن قۇجاتتارى مەن مەملەكەتتىك تىركەۋ ءنومىرىن الا الادى. قىزمەت الۋشىلاردىڭ دايىن قۇجاتتارىن بەرۋ جۇمىسىنا «ازاماتتارعا ارنالعان ۇكىمەت» مەملەكەتتىك كورپوراتسياسى الماتى قالاسى فيليالىنىڭ 20-عا جۋىق قىزمەتكەرى تارتىلعان. ولاردىڭ بارلىعى قورعانىس جانە دەزينفەكتسيا قۇرالدارىمەن جابدىقتالعان» دەلىنگەن حابارلامادا.

دايىن قۇجاتتاردى بەرۋ تەرەزەلەرىنىڭ جۇمىس كەستەسى: دۇيسەنبى-جۇما 9.00-دەن 17.00-گە دەيىن. سەنبى – ساعات 9.00-14.00 ارالىعى.

ايتا كەتەيىك، 21 ناۋرىزعا دەيىن حالىققا قىزمەت كورسەتۋ ورتالىقتارىنا ءوتىنىش تاپسىرعان ازاماتتار دايىن ناتيجەلەرىن 29 ناۋرىزعا دەيىن العاش جۇگىنگەن حقو-دان الا الادى. ميگراتسيالىق حقو-دان الۋعا ءتيىس دايىن قۇجاتتاردى دا اۋەزوۆ اۋداندىق حالىققا قىزمەت كورسەتۋ ورتالىعىنان (جاندوسوۆ ك-ءسى، 51) الاتىنىن ەسكە سالامىز.

سوڭعى جاڭالىقتار

ۇقساس جاڭالىقتار