ء«بىز بىرگەمىز» اكتسياسىنا بىلەك سىبانا كىرىسكەن ەرىكتىلەر قيىن ساتتە قالاداعى جالعىزباستى قاريالاردىڭ قاس-قاباعىنا قاراپ, ولاردىڭ ەشبىرىن نازاردان تىس قالدىرماۋعا تىرىسىپ باعۋدا. ولارعا ارناپ اپتانىڭ جەتى كۇنىندە ءار ءتۇرلى تاعام دايىندالماق. قامكوڭىل جانداردى كۇنىنە ءبىر ۋاقىت تاماقتاندىرۋ اكتسياسىنا تانىمال ونەر ادامدارى مەن سپورتشىلار دا ۇلەس قوسۋدا.
«قارتى بار ەلدىڭ قازىناسى بار. ءبىز ىزگىلىك پەن قايىرىمدىلىقتىڭ اينالاسىندا توپتاسساق الىنبايتىن قامال جوق. جاراتۋشى جار بولسا بۇل قيىن كۇندەر دە ارتتا قالار. ەڭ باستىسى ەلدىگىمىزدى تانىتىپ, بىرلىگىمىزدى كورسەتۋىمىز كەرەك. مۇقتاج جانداردىڭ ءتىزىمىن جاساپ, قولدان كەلگەنشە كومەك كورسەتۋگە تىرىسامىز دەيدى», ەرىكتى ماقسات دۇيسەنوۆ.
