ايماقتار • 28 ناۋرىز، 2020

اقتاۋدا مۇقتاج ادامدارعا الەۋمەتتىك كومەك كورسەتۋ ۇيىمداستىرىلۋدا

28 رەتكورسەتىلدى

اقتاۋ قالالىق كاسىپكەرلىك ءبولىمىنىڭ باسشىسى باۋىرجان ساپانىڭ ايتۋىنشا، باس مەملەكەتتىك سانيتاريالىق دارىگەردىڭ قاۋلىسىنا سايكەس وبلىس ورتالىعىندا ارنايى جۇمىس توبى قۇرىلعان. ونىڭ قۇرامىندا قالا اكىمى مەن ورىنباسارلارى، قۇقىق قورعاۋ ورگاندارى، تاۋارلارمەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ باسقارماسى مەن وزگە دە مەملەكەتتىك مەكەمە وكىلدەرى بار.

قالا اكىمنىڭ توراعالىعىمەن اتالعان جۇمىس توبى كۇندەلىكتى ساعات 09.00-دە شتاب وتىرىسىن وتكىزىپ كەلەدى.اكىمدىك عيماراتىندا اشىلعان Cاll-ورتالىعى 24 ساعات جۇمىس جاسايدى. ورتالىققا بۇگىنگە دەيىن 22 تۇرعىن ءتۇرلى ماسەلەلەرمەن حابارلاسىپتى.

- قازىرگى تاڭدا جۇمىس جاساپ تۇرعان 14 بازاردىڭ ازىق-ت ۇلىك ساتۋ بولىگىندە سانيتارلىق-دەزينفەكتسيالىق جۇمىستارىن كۇندەلىكتى جۇرگىزىپ، قىزمەتكەرلەر مەن كەلۋشىلەر ءۇشىن ارنايى انتيسەپتيكالىق زاتتاردى ورناتۋ جونىندە تاپسىرمالار بەرىلدى. بازارلار قالىپتى رەجيمدە جۇمىسىن جاساۋدا. بازارلاردىڭ كيىم-كەشەك جانە وزگە دە تاۋارلار ساتۋ بولىگىنىڭ جۇمىس ۋاقىتى ساعات 11:00-دەن 17:00-گە دەيىن شەكتەلدى. قالا اۋماعىندا 5 مال بازارى بار. ۇشەۋى سانيتارلىق-دەزينفەكتسيالىق شارالارىن ساقتاپ، قالىپتى رەجيمدە جۇمىس جاساۋدا، 2 جابىق. ءىرى ساۋدا ورىندارىنا الەۋمەتتىك ماڭىزى بار 19 ءتۇرلى ازىق-ت ۇلىككە كۇندەلىكتى مونيتورينگ جۇرگىزىلۋدە، دەيدى ب.ساپا.

توتەنشە جاعداي مەرزىمىندە اقتاۋداعى 2 مەشىت، 41 تويحانا، 29 كومپيۋتەر جانە ويىن كلۋبتارى، 4 كينوتەاتر، ساۋدا-كوڭىل كوتەرۋ ورتالىقتارىنداعىبالالار ويىن الاڭدارى، 25 مەكتەپ، ەكى قوسىمشا ءبىلىم بەرۋ ورتالىعى، 28 سپورت زال، 6 باسسەين، 33 فيتنەس ورتالىعى جۇمىسىن توقتاتتى.

سونداي-اق 81 مەملەكەتتىك جانە جەكەمەنشىك بالاباقشاقالىپتى رەجيمدە جۇمىس جاساۋدا. جالپى سانى 15 مىڭ 122 بالانىڭ ءتورت مىڭى تاربيە الۋدا، قالعانى دەمالىستا.

- ء«بىز بىرگەمىز» - «Nur Otan» پارتياسى اكتسياسى اياسىندا قالانىڭ جالعىزباستى، كوپبالالى، ءمۇجالسىز 260 وتباسىنا كاسىپكەرلەر، قوعامدىق ۇيىمدار تاراپىنان ازىق-ت ۇلىك جانە قورعانۋ قۇرالدارى تەگىن بەرىلدى. بۇل رەتتە «اتادان ميراس» قورى قالانىڭ جالعىزباستى، كوپبالالى، از قامتىلعان 100 وتباسىنا الەۋمەتتىك كومەك كورسەتتى،  دەيدى باۋىرجان ساپا.

قالا بويىنشا كاسىپكەرلەر تاراپىنان 9300 دانا بەتپەردە تىگىلدى، ونىڭ 800 داناسى مۇگەدەكتەر مەن ءمۇجالسىز ادامدارعا، قالا تۇرعىندارىنا تەگىن تاراتىلدى. 2500 داناسى ءدارىحانالار مەن اتەلەلەردە ساتىلعان.

شاھار اۋماعىنداعى 1062 كوپ قاباتتى تۇرعىن ۇيگە قىزمەت كورسەتەتىن 77 پاتەر يەلەرىنىڭ تۇتىنۋ كووپەراتيۆتەرى (كسك) بار. ونىڭ 52-ءسى بۇگىنگى تاڭدا 703 تۇرعىن ۇيلەردىڭ دالىزدەرىنە سانيتارلىق-دەزينفەكتسيالىق جۇمىستارى جۇرگىزىلۋدە.

 

ماڭعىستاۋ وبلىسى

 

سوڭعى جاڭالىقتار

ەرتەڭ قىزىلوردادا كۇن كۇرت ىسيدى

ايماقتار • بۇگىن، 17:22

اقمولادا 3 ادام سۋعا كەتتى

ايماقتار • بۇگىن، 13:42

ۇقساس جاڭالىقتار