«قوعامدىق كولىكتەردە, تاكسيدە, سونداي-اق جەتكىزۋ قىزمەتتەرىندە سانيتارلىق تالاپتاردى قاتاڭ ساقتاۋ ءۇشىن تسيركۋليار جاسالادى. كەشە ايتىلعانداي بۇگىن تۇنگى 00:00-دەن باستاپ ۇيدەن شىعۋعا تىيىم سالىنادى. ۇيدەن تەك ازىق-ت ۇلىك, ءدارى الۋعا نەمەسە جۇمىسقا بارۋ ءۇشىن شىعۋعا بولادى. سونىمەن بىرگە 30 ناۋرىزدان باستاپ مەكەمەلەردىڭ باسىم كوپشىلىگى جۇمىسىن توقتاتادى», دەدى داۋرەن اباەۆ.
سونداي-اق ول پوليتسيا قىزمەتكەرلەرى ازاماتتاردىڭ نەلىكتەن كوشەگە شىققانىن سۇراۋى مۇمكىن ەكەنىن ايتتى.
«كوشەدە پوليتسيا قىزمەتكەرلەرى توقتاتىپ, قايدا بارا جاتقانىڭىزدى سۇراسا تۇسىنىستىك تانىتىپ, جاۋاپ بەرۋ كەرەك. جۇمىسقا شاقىرعاندى راستاۋ ءۇشىن سىزدە تىكەلەي باسشىنىڭ نەمەسە كادر ءبولىمى قىزمەتكەرلەرىنىڭ تەلەفون نومىرلەرى بولعان ءجون. ازىق-ت ۇلىك دۇكەندەرى مەن ءدارىحانالار ادەتتە تۇرعىن ۇيلەرگە جاقىن ورنالاسادى. سوندىقتان پوليتسيا قىزمەتكەرلەرى ازاماتتاردىڭ قاجەتتى زاتىن ساتىپ الىپ, ۇيگە قايتقانىن باقىلاۋى مۇمكىن. وعان دا تۇسىنىستىك تانىتۋ كەرەك», دەدى ول.
