كوروناۆيرۋستان ادام قايتىس بولۋىنا بايلانىستى تۋىنداعان سۇراقتارعا مينيستر جاۋاپ بەردى.
«باس سانيتاردىڭ رەسمي قاۋلىسىندا قاتاڭ ساقتالۋى كەرەك ەرەجەلەر كورسەتىلەدى. دارىگەرلەر ايتقان سانيتارلىق تالاپتاردى قاتاڭ ساقتاۋ قاجەتتىلىگى تۋرالى قازاقستان مۇسىلماندارى ءدىني باسقارماسى مەن پراۆوسلاۆيە شىركەۋى ءتيىستى ءپاتۋا مەن ەسكەرتۋلەر ازىرلەدى», دەدى مينيستر.
سونداي-اق مينيستر جۇمىس بابىمەن قالادا جۇرەتىن جۋرناليستەردىڭ جۇمىس ورنىنان انىقتاماسى بولۋى ءتيىس ەكەنىن اتاپ ءوتتى.
«ارنايىلاپ باق رەداكتسيالارىنا ايتامىز. قىزمەتكەرلەردى قاشىقتان جۇمىس ىستەۋگە جىبەرۋ قاجەت. قالادا جۇمىس بابىمەن ءجۇرۋ ءۇشىن جۋرناليستەر وزىمەن بىرگە قىزمەتتىك كۋالىگى جانە رەداكتسيا تاپسىرماسى تۋرالى انىقتاما بولۋى قاجەت. انىقتامانى تەلەفوننان دا كورسەتۋگە بولادى. دارىگەرگە كورىنۋى كەرەك ازاماتتار اۋرۋحاناعا بارا الادى. بۇل دالەلدى سەبەپ بولىپ سانالادى», دەدى داۋرەن اباەۆ.
ايتا كەتۋ كەرەك, بۇگىن باس مەملەكەتتىك سانيتاريالىق دارىگەردىڭ 2020 جىلعى 22 ناۋرىزداعى №26 قاۋلىسىنا وزگەرىستەر مەن تولىقتىرۋلار ەنگىزىلدى.
