قوعامدىق كولىكتىڭ ىشىندەگى كورنەكى تۇستا ەسكەرتپە اقپارات ءىلىنۋى قاجەت. جۇرگىزۋشىلەر دە جەكە باسىنىڭ تازالىعىن ساقتاۋى شارت. كەشە ۇيىمداستىرىلعان كەزەكتى رەيد ناتيجەسىندە قوعامدىق كولىكتەردىڭ سانيتارلىق تازالىعىنا قاتىستى بىرقاتار ولقىلىقتار انىقتالدى. ماسەلەن, «جارىق جول-1» سەرىكتەستىگىنە قاراستى №24 باعىتتاعى اۆتوبۋستىڭ سالونى دەزينفەكتسيالانباعان. جۇرگىزۋشى دە مەدماسكا تاقپاعان, قولعابى جوق. قوستانايدا قوعامدىق كولىككە مىنگەن جولاۋشى جولاقىسىن قولما-قول جۇرگىزۋشىگە ۇستاتۋ ارقىلى ەسەپ ايىرىساتىنىن ەسكەرسەك, بۇل جەردە گيگيەنا تۋرالى ءسوز قوزعاۋدىڭ ءتىپتى قاجەتى بولماي قالاتىنى تۇسىنىكتى.
سونداي-اق, سالوندا ينفەكتسياعا قارسى ەسكەرتپە اقپارات ىلىنبەگەن. كولىك ورىندىقتارىنىڭ تىسقاپتارى ارنايى دەزينفەكتسيا قۇرالدارىمەن تازارتىلماعان. اۆتوبۋىستا سانيتارلىق تازالىق ساقتاۋعا قاجەت قۇرالدار مۇلدە بولماي شىقتى. مونيتورينگتىك كوميسسيا مۇشەلەرى جۇرگىزۋشىگە سانيتارلىق-ەپيدەميالىق ساراپتاما جۇرگىزۋ قاجەتتىگى تۋرالى ەسكەرتپە قاعاز قالدىردى. تالاپ ورىندالماعان جاعدايدا اكىمشىلىك حاتتاما تولتىرىلىپ, تاسىمالداۋشى كاسىپورىننىڭ باسشىسىنا ايىپپۇل سالىنادى نەمەسە 15 تاۋلىككە دەيىن اكىمشىلىك قاماۋعا الىنادى.
قوستاناي
