ايماقتار • 27 ناۋرىز، 2020

«قازمۇنايگاز» ەكولوگيالىق جاۋاپكەرشىلىك سالاسىنداعى اشىقتىق رەيتينگىسىندە 1-ورىندى يەلەندى

15 رەتكورسەتىلدى

«قازمۇنايگاز» ۇك اق ەكولوگيالىق جاۋاپكەرشىلىك سالاسىنداعى مۇناي-گاز كومپانيالارى اشىقتىعىنىڭ ەۋرازيالىق رەيتينگىسىندە 1-ورىندى يەلەندى. ەنەرگەتيكا مينيسترلىگىنىڭ دەرەكتەرىنە سايكەس رەيتينگتىڭ 2019 جىلعى ىرىكتەۋىنە ەلىمىزدىڭ جارتى ميلليون توننادان استام كومىرسۋتەك وندىرەتىن 14 مۇناي-گاز كومپانياسى ءىلىندى. بۇل تۋرالى اتالعان كومپانيانىڭ جۇرتشىلىقپەن بايلانىس دەپارتامەنتى حابارلادى.

زەرتتەۋدىڭ باستى ماقساتى – قورشاعان ورتاعا كەرى اسەردى ازايتۋ مەن كومىرسۋتەك رەسۋرستارىن پايدالانۋدىڭ تيىمدىلىگىن ارتتىرۋعا، سونداي-اق، الەۋمەتتىك جاۋاپتى بيزنەستى جۇرگىزۋگە ىقپال ەتۋ.

«قمگ» ءۇش جىل قاتارىنان ەكولوگيالىق جاۋاپكەرشىلىك سالاسىنداعى مۇناي-گاز كومپانيالارى اشىقتىعى رەيتينگىسىندە كوش باستاپ، ەكولوگيالىق تۇرعىدان قازاقستاننىڭ ەڭ اشىق ءارى جاۋاپتى كومپانياسى ەكەنىن كەزەكتى رەت دالەلدەپ وتىر. كومپانيا ەكولوگيالىق جاۋاپتى بيزنەسىن جالعاستىرىپ، قورشاعان ورتانى قورعاۋدى باسقارۋ جۇيەسىن دامىتۋدا. وسى ماسەلە بويىنشا بارلىق مۇددەلى تاراپتارمەن ديالوگ جۇرگىزۋدە. جىلدىق ەسەپ، تۇراقتى دامۋ ەسەپ اياسىندا كومپانيانىڭ بارلىق ەكولوگيالىق قىرلارى تۋرالى مالىمەتتەر جىل سايىن جاريالانىپ تۇرادى، سونداي-اق وزەكتى اقپارات كومپانيانىڭ رەسمي سايتىنا ورنالاستىرىلادى.

بۇدان باسقا، «قمگ»-نىڭ 17 ەنشىلەس كومپانياسى (قاتىسۋ ۇلەسى كەمىندە 50%) اراسىندا جەكە زەرتتەۋ جۇرگىزىلدى. بۇل رەتتە رەيتينگكە تەك ءوندىرۋشى اكتيۆتەر عانا ەمەس، سونىمەن قاتار وڭدەۋ جانە تاسىمالداۋ باعىتىنداعى كومپانيالار ەنگىزىلدى. وسى ىرىكتەۋدە ءبىرىنشى ورىندى «ينتەرگاز ورتالىق ازيا» اق يەلەندى. ەنشىلەس جانە تاۋەلدى ۇيىمدار اراسىنداعى رەيتينگ قمگ»-نىڭ ەرىكتى باستاماسى ەكەنىن اتاپ وتەمىز. ونىڭ ماقساتى ەنشىلەس ۇيىمداردىڭ ەكولوگيالىق اشىقتىعىن جانە «ىشكى باسەكەلەستىگىن» ارتتىرۋ بولىپ تابىلادى.

زەرتتەۋدى بۇۇ-نىڭ قورشاعان ورتانى قورعاۋ باعدارلاماسىنىڭ (UNEP)، CREON Capital جانە رف ۇلتتىق رەيتينگ اگەنتتىگىنىڭ قولداۋىمەن رەسەيدىڭ دۇنيەجۇزىلىك جابايى تابيعات قورى (WWF) مەن كرەون توبى ۇيىمداستىردى. وسى جىلى رەيتينگ ءوز اۋقىمىن كەڭەيتىپ قازاقستان، رەسەي جانە ءازىربايجان كومپانيالارىن قامتىدى. كەلەسى كەزەڭدە وزبەكستان مەن تۇركمەنستاندى قامتۋ جوسپارلانىپ وتىر.

 

ماڭعىستاۋ وبلىسى

سوڭعى جاڭالىقتار

الماتىدا تاعى 37 ادام Covid-199 جۇقتىرعان

كوروناۆيرۋس • بۇگىن، 10:20

الاشتىڭ ارداقتىسى ۇلىقتالدى

رۋحانيات • بۇگىن، 10:02

تاپا-تالتۇستەگى توتەنشە جاعداي

ايماقتار • بۇگىن، 08:55

ەرتىستىڭ سۋى ەگىستىككە پايدالى

ايماقتار • بۇگىن، 08:40

ۇقساس جاڭالىقتار