ايماقتار • 27 ناۋرىز، 2020

الماتىدا اسكەري قىزمەتشىلەر نىسانداردى زالالسىزداندىرۋ جۇمىستارىن جالعاستىرۋدا

9 رەتكورسەتىلدى

الماتىدا قارۋلى كۇشتەردىڭ اسكەري قىزمەتشىلەرى كوشەلەردى، عيماراتتاردى جانە قوعامدىق ورىنداردى زالالسىزداندىرۋ بويىنشا جۇمىستاردى كەڭىنەن جۇرگىزۋدە. قالاداعى زارارسىزداندىرۋ جۇمىستارىنا الماتى گارنيزونىنان بارلىعى 2000-عا جۋىق اسكەري قىزمەتشىلەر تارتىلعان. بۇگىنگى كۇنگە دەيىن ارنايى بولىمشەلەر الماتى قالاسى بويىنشا مەكتەپتەر، بالاباقشالار، بالالار الاڭقايلاردى، ەمحانالار جانە تەرمينالدار سىندى 284 نىسانىندا زارارسىزداندىرۋ جۇمىستارىن جۇرگىزدى، دەپ حابارلايدى راديوەلەكترونيكا جانە بايلانىس اسكەري-ينجەنەرلىك ينستيتۋتىنىڭ ءباسپاسوز قىزمەتىنەن.

قازىرگى تاڭدا قر قك ارنايى بولىمشەلەرىمەن زالالسىزداندىرۋعا اۆتوبۋس ايالدامالارى، جاياۋ جۇرگىنشىلەر جولى مەن اۆتوكولىكتەردىڭ تۇراقتارى جاتادى. ءىس-شارالاردى جۇرگىزۋ ءۇشىن جەكە قۇرام ارنايى تەحنيكامەن، گازسىزداندىرۋ قورعانىس جيىنتىعىمەن جانە زالالسىزداندىرۋ ەرىتىندىلەرمەن قامتاماسىز ەتىلگەن.

- ءبىزدىڭ باستى ماقساتىمىز – ينفەكتسيانىڭ تارالۋىن توقتاتۋ. كوروناۆيرۋستىڭ جاڭا ءتۇرى اۋادا 3 ساعاتتان استام، ال زاتتاردىڭ ۇستىندە 48 ساعات ساقتالىپ، اۋا-تامشى جولىمەن جۇعۋ قاۋىپى جوعارىلايدى. سوندىقتان كوشەلەر مەن قوعامدىق ورىنداردى زالالسىزداندىرۋ كوروناۆيرۋسپەن كۇرەستەگى ماڭىزدى جۇمىس. بۇگىنگى تاڭدا جالپى كولەمى 1 ملن 329 م2 قۇرايتىن 81 نىسان زالالسىزداندىرىلىپ، اتالعان جۇمىسقا 500-گە جۋىق ادام جانە 24 «ارس-14» اۆتوقۇيىلمالى ستانسالارى تارتىلدى، - دەپ اتاپ ءوتتى مايور الماس قاسىمحانوۆ.

بۇگىندە الماتى قالاسىنىڭ اينالاسىندا قويىلعان 21 بلوكبەكەتتە كارانتين رەجيمىن قامتاماسىز ەتۋ بويىنشا ءىس-شارالارىنا 230-عا جۋىق اسكەري قىزمەتشى قاتىسۋدا.

الماتى

سوڭعى جاڭالىقتار

قىرشىن كەتكەن ساڭلاق

سپورت • بۇگىن، 17:35

ۇقساس جاڭالىقتار