بۇل تۋرالى Instagram مەن Youtube پاراقشاسىندا بەلگىلى قازاقستاندىق بلوگەر جانە بيزنەسمەن بەيبىت الىبەكوۆ حابارلادى. وسىعان بايلانىستى ول جەكە قوناق ۇيلەر مەن وتەلدەرگە يەلىك ەتەتىن بارلىق قازاقستاندىقتارعا الماتى قالاسىن قازىرگى قيىن ۋاقىتتا قولداۋعا جانە كارانتيندىك قاۋىپسىزدىكتى قامتاماسىز ەتۋ ءۇشىن ءوز قوناق ۇيلەرىنەن ورىن بەرۋ تۋرالى ۇندەۋگە قولداۋ كورسەتۋگە شاقىردى.
- ەلدەگى جاعداي ءبىزدىڭ ارقايسىمىزدان كۇش بىرىكتىرۋىمىزدى جانە تەز ارەكەت ەتۋىمىزدى تالاپ ەتەدى. قوناق ۇيلەردىڭ يەلەرى قالانى قولداۋ ارقىلى ۆيرۋستى جىلدام جەڭۋگە جانە قالىپتى ومىرگە ورالۋعا كومەگىن تيگىزەدى, - دەپ اتاپ ءوتتى ءوز ۇندەۋىندە بەيبىت الىبەكوۆ.
بۇعان دەيىن نۇر-سۇلتان قالاسىندا كوروناۆيرۋسپەن كۇرەسۋ ءۇشىن قوناق ۇيدەن ورىن بەرۋ باستاماسىن قازاقستاندىق كاسىپكەر ايدىن راحىمباەۆ كوتەرگەن بولاتىن.
الماتى اكىمدىگى قالاداعى مەديتسينالىق قىزمەتكەرلەر مەن ازاماتتاردى ورنالاستىرۋ ءۇشىن ماتەريالدىق وتەماقى بولۋگە دايىن ەكەنىن ايتقان بولاتىن. بۇل داعدارىس كەزىندە كوپتەگەن قوناق ۇيلەر بوس تۇرعان شاقتا جانە ولاردىڭ قىزمەتكەرلەرى جالاقىسىز قالعان ۋاقىتتا قوناق ءۇي يەلەرىنىڭ بيزنەسىن قولداۋعا ءوز سەپتىگىن تيگىزبەك.
الماتى
