«2019 جىلى تامىز ايىندا قازاقستاندا ساتىلاتىن دارىلىك زاتتاردىڭ باعالارىن رەتتەۋ تۋرالى بۇيرىق شىقتى. سول بۇيرىقتى ورىنداۋ ماقساتىندا ءبىز دەنساۋلىق ساقتاۋ مينيسترلىگى اتىنان Darikz ءموبيلدى قوسىمشاسىن ىسكە قوستىق. ول ارقىلى كەز كەلگەن ازامات دارىلەر تۋرالى جانە ونىڭ بەلگىلەنگەن باعاسى تۋرالى اقپارات بىلە الادى. بۇل بىزگە دارىحانالارداعى باعالاردى قاداعالاۋعا كومەكتەسەدى», - دەدى ولجاس ابىشەۆ.
ونىڭ ايتۋىنشا, ەگەر ءدارىحانالاردىڭ باعانى قىمباتتاتقانى انىقتالسا, مينيسترلىك ولاردىڭ جۇمىسىن شەكتەيتىن بولادى.
«ەگەر قاندايدا ءبىر ازامات دارىحاناداعى باعانىڭ قىمباتتاعانىن بايقاعان بولسا, وندا ول قوسىمشاداعى باتىرمانى باسا وتىرىپ, ءبىزدىڭ ورتالىققا مالىمەت جىبەرە الادى. سول ارقىلى ءبىز ول دارىحاناعا تەكسەرۋ جۇمىستارىن جۇرگىزەمىز», - دەدى ول.
