بۇگىنگى كۇنگە دەيىن ارنايى بولىمشەلەر الماتى قالاسى بويىنشا مەكتەپتەر, بالاباقشالار, بالالار الاڭقايلارى, ەمحانالار جانە تەرمينالدار سىندى بارلىعى 284 نىساندا زارارسىزداندىرۋ جۇمىستارىن جۇرگىزدى.
قازىرگى تاڭدا قر قك ارنايى بولىمشەلەرىمەن زارارسىزداندىرۋعا اۆتوبۋس ايالدامالارى, جاياۋ جۇرگىنشىلەر جولى مەن اۆتوكولىك تۇراقتارى جاتادى. ءىس-شارالاردى جۇرگىزۋ ءۇشىن جەكە قۇرام ارنايى تەحنيكامەن, گازسىزداندىرۋ قورعانىس جيىنتىعىمەن جانە ارنايى ەرىتىندىلەرمەن قامتاماسىز ەتىلگەن.
– ءبىزدىڭ باستى ماقساتىمىز – ينفەكتسيانىڭ تارالۋىن توقتاتۋ. كوروناۆيرۋستىڭ جاڭا ءتۇرى اۋادا 3 ساعاتتان استام ۋاقىت, ال زاتتاردىڭ ۇستىندە 48 ساعات ءومىر سۇرەدى جانە اۋا-تامشى جولىمەن جۇعۋ قاۋپى جوعارى. سوندىقتان كوشەلەر مەن قوعامدىق ورىنداردى زارارسىزداندىرۋ – كوروناۆيرۋسپەن كۇرەسۋ كەزىندەگى ماڭىزدى جۇمىستىڭ ءبىرى. بۇگىنگى تاڭدا ءبىزدىڭ بولىمشەمەن جالپى كولەمى 1 ملن 329 م2 قۇرايتىن 81 نىسان زارارسىزداندىرىلدى, اتالعان جۇمىسقا 500-گە جۋىق اسكەري قىزمەتكەر مەن 24 «ارس-14» اۆتوقۇيىلمالى ستانتسيالارى تارتىلدى, – دەيدى مايور الماس قاسىمحانوۆ.
كۇنى بۇگىن الماتى قالاسىنىڭ كىرەبەرىس قاقپالارىنا قويىلعان 21 بلوكبەكەتتە كارانتين رەجيمىن قامتاماسىز ەتۋ ماقساتىندا 230-عا جۋىق اسكەري ازامات قىزمەت اتقارىپ جۇرگەندىگىن اتاپ وتكەن ءجون.
