Nur Otan پارتياسى ماڭعىستاۋ وبلىستىق, قالالىق جانە اۋداندىق فيليالدار, وبلىستىق Jas Otan جاستار قاناتى, پارتيا بەلسەندىلەرى, كاسىپكەرلەر جانە ەرىكتىلەر #BizBirgemiz اكتسياسىنا اتسالىسىپ, كۇندەلىكتى جالعاستىرۋدا. «جۇمىلا كوتەرگەن جۇك جەڭىل» دەمەكشى, اتالمىش اكتسياعا «كازازوت» جشس, «كاسپي جىلۋ，سۋ ارناسى» كوممۋنالدىق مەكەمەسى, «ماەك كازاتومپروم» جشس, «سەز مورپورت اكتاۋ» اق مەكەمەلەرى, جەكەلەگەن ساۋدا ورتالىقتارقتارى «امان», «دانا» جانە وبلىستىق ماسليحاتتاعى Nur Otan پارتياسى دەپۋتاتتىق فراكتسيا مۇشەلەرى مەرەكە دۇيسەنباەۆ, احمەت سالمانوۆ, وسپان قازاقباەۆ, ءابدىراحمان قۋانىشبەك, اببات ورىسباەۆ ت.ب قولداۋ كورسەتۋدە. سوڭعى ءبىر اپتادا وبلىس بويىنشا بارلىعى 580 وتباسىعا كومەك بەرىلدى. بەرىلەتىن كومەككە گيگيەنالىق زاتتار, ازىق-ت ۇلىك, مەديتسينالىق ماسكا جانە وزگە دە قاجەتتى زاتتار ەنگىزىلدى. اكتسيا دەمالىس كۇندەرى دە جالعاسىن تاۋىپ, ءالى دە تۇرعىندارعا قاجەتتى كومەك كورسەتىلىپ جاتىر.
سونىمەن قاتار, #BizBirgemiz اكتسياسى اياسىندا پارتيا بەلسەندىلەرى ۇلىستىڭ ۇلى كۇنى – ناۋرىز مەرەكەسى قارساڭىنداعى وبلىستاعى مەديتسينا قىزمەتكەرلەرىن قۇتتىقتادى.
- پرەزيدەنت قاسىم-جومارت توقاەۆ توتەنشە جاعداي جونىندەگى مەملەكەتتىك كوميسسيانىڭ وتىرىسىندا سويلەگەن سوزىندە «قازىر ءبارىمىز كۇردەلى احۋالدى باستان وتكەرىپ جاتىرمىز. وسى ورايدا, بيلىك ورگاندارىنا زور جاۋاپكەرشىلىك جۇكتەلەدى. مۇنى ەستەن شىعارماۋىمىز كەرەك. بۇل مىندەتتى بارشامىز ابىرويمەن اتقارۋىمىز قاجەت. ۆيرۋستىڭ تارالۋ جىلدامدىعى باسەڭدەمەي وتىر» دەگەن بولاتىن. كوروناۆيرۋسقا شالدىققانداردىڭ سانى ارتۋىنا بايلانىستى توتەنشە جاعدايلار ەرەجەسىن ساقتاپ, توي-ساداقاعا بارۋدان باس تارتىپ, سانيتارلىق-گيگيەنالىق نورمالاردى قاتاڭ ساقتاۋعا شاقىرامىن. سونىمەن قاتار, جاستاردى پارتيانىڭ ەرىكتىلەرى قاتارىنا قوسىلۋعا شاقىرامىن, - دەدى Nur Otan پارتياسى ماڭعىستاۋ وبلىستىق فيليالىنىڭ توراعاسى ەلۋباي ءابىلوۆ.
ماڭعىستاۋ وبلىسى
