ەكونوميكا • 27 ناۋرىز، 2020

Cارى قۇبىر سوزاققا جەتەدى

5 رەتكورسەتىلدى

تۇركىستان وبلىسىنداعى شالعاي اۋدان سانالاتىن سوزاقتا وتكەن جىلى ماگيسترالدى گاز قۇبىرىنىڭ قۇرىلىسى باستالعان بولاتىن. بيىلعا قۇرىلىس جۇمىستارىنا 2،6 ملرد تەڭگە قارالعان. بۇگىندە ماگيسترالدى گاز قۇبىرى مەن اۆتوماتتى گاز تاراتۋ ستانساسىنىڭ قۇرىلىسى وندىرىستىك كەستەگە سايكەس جۇرگىزىلۋدە. سونداي-اق شولاققورعان اۋلىنىڭ ىشكى گاز جۇيەلەرىن باستاۋ ءۇشىن وبلىستىق بيۋدجەتتەن 100 ملن تەڭگە قارجى بولىنەتىن بولادى.

شولاققورعان اۋىلىنان سالىنىپ جاتقان، جوبالىق قۇنى 50 ملن اقش دوللارى بولاتىن كۇن ەلەكتر ستانساسىنىڭ قۇرىلىسى الداعى ايدا اياقتالماق. «يۋكسەس-50» جشس قۇرىلىس كەزىندە 200-گە جۋىق ادامدى ۋاقىتشا جۇمىسقا تارتقان بولاتىن. ال كۇن ەلەكتر ستانساسى ىسكە قوسىلعاندا 30 ادام تۇراقتى جۇمىسپەن قامتىلادى. جالپى اۋداندا وتكەن جىلى قۇرىلىس سالاسى دا قارقىن الىپ، جەرگىلىكتى بيۋدجەت قارجىسى ەسەبىنەن 100 ورىندىق مەكتەپ پەن اسقار سۇلەيمەنوۆ اتىنداعى جالپى ورتا مەكتەپكە 300 ورىندىق قوسىمشا عيمارات پايدالانۋعا بەرىلدى. الداعى ۋاقىتتا سۇلتانبەك قوجانوۆ اتىنداعى تاريحي-ايماقتىق مۇراجاي عيماراتىنىڭ جانە شولاققورعان اۋىلىنداعى تۋ تۇعىرى نىساندارىنىڭ قۇرىلىس جۇمىستارى جۇرگىزىلەتىن بولادى. «وتكەن جىلى قۇنى 951،6 ملن تەڭگە بولاتىن 5 جوبا جۇزەگە اسىرىلدى. 60 مىڭنان استام حالىق تۇراتىن وركەندەگەن تەرىسكەي ءوڭىر ءورىستى ولكەگە اينالىپ كەلەدى. ينۆەستيتسيا تارتۋ ەلىمىزدەگى اسا ماڭىزدى سالا دەسەك، اۋدان ەكونوميكاسىنا 2019 جىلى 51 ملرد 262 ملن تەڭگە ينۆەستيتسيا تارتى­لىپ، الدىڭعى جىلمەن سالىستىرعاندا 125،4 پايىزعا ارتى­عىمەن ورىندالدى. جىل قورىتىندىسىمەن جەرگىلىكتى بيۋد­جەتكە 6 ملرد 478 ملن 7 مىڭ تەڭگە قارجى ءتۇستى. اۋدان بويىنشا 313 ملرد 381 ملن تەڭگەنىڭ جالپى وڭىرلىك ءونىمى ءوندىرىلىپ، الدىڭعى جىلمەن سالىستىرعاندا 127،8 % نەمەسە 68 ملرد 197 ملن تەڭگەگە ارتىپ وتىر. اۋىلشارۋاشىلىق سالاسىندا جالپى ءونىم كولەمى 13 ملرد 58 ملن تەڭگەنى قۇرادى. مەملەكەتتىك «التىن اسىق»، «قۇلان»، «سىباعا» باعدارلاماسى تولىقتاي ورىن­دالدى. ءىرى قارا مال سانى دا ارتقان. اۋدان كولە­مىندە وتكەن جىلى 426 جاڭا كاسىپكەرلىك سۋبەكتىسى اشى­­لىپ، جالپى سانى 3 331-گە جەتتى. اتالعان سالادا 16 ملرد 470 ملن تەڭگەنىڭ ءونىمى ءوندىرىلىپ، الدىڭعى جىلمەن سالىس­تىرعاندا 109،5% وسكەن. جوبالاردى قارجىلاندىرۋ بويىنشا 93 جوباعا 338،8 ملن تەڭگە نەسيە بەرىلدى»، دەدى اۋدان اكىمى سالىحان پولاتوۆ تۇرعىندارعا ەسەپ بەرۋ كەزدەسۋىندە.

سونداي-اق بيىل اۋداندا «اۋىل – ەل بەسىگى» باعدارلا­ماسىنا 326 ملن تەڭگە قارجى ءبولىنىپ وتىر. بۇل قارجىعا ت.الىم­قۇلوۆ اتىنداعى №14 ينتەرنات-ليتسەيىنە كۇردەلى جون­دەۋ جۇمىستارىن جۇرگىزۋ، جالپى ۇزىندىعى 2،5 شاقى­رىم جولعا اسفالت توسەۋ جوسپارلانۋدا. ال شولاققورعان اۋىل­دىق وكرۋگىنىڭ تەرىسكەي شاعىن اۋدانىن تاۋلىك بويى سۋمەن قامتۋ ماقساتىندا وبلىستىق بيۋدجەتتەن 234،6 ملن تەڭگە قارجى قارالىپ، اۋىزسۋمەن جابدىقتاۋ جۇمىستارى باستال­عان. اقسۇمبە ەلدى مەكەنىندەگى 100 ورىندىق سۇلتان­بەك قوجانوۆ اتىنداعى مەكتەپتىڭ جاڭا عيماراتى، شولاق­قور­عان ەلدى مەكەنىندە 300 ورىندىق ءا.مولداعۇلوۆا اتىن­داعى جالپى ورتا مەكتەبىنىڭ قوسىمشاجاي قۇرىلىس جۇمىس­تارى دا بيىل اياقتالادى. ناتيجەسىندە اۋدانداعى مەكتەپتەر تولىعىمەن تيپتىك ۇلگىدەگى عيماراتتارعا كوشىرىلەتىن بولا­دى. سونداي-اق اقسۇمبە، بالدىسۋ، سارجاز ەلدى مەكەندەرى­نەن جەكە­مەنشىك بالاباقشالار اشىلادى. سوزاق، قاراتاۋ ەلدى مە­كەن­دەرىندەگى اۋىلدىق كلۋبتارعا اعىمداعى جوندەۋ جۇمى­ستارىن جۇرگىزۋ، اققولتىق، قاراقۇر، تاستى ەلدى مەكەندەرىنە 75 ورىندىق اۋىلدىق كلۋب سالۋ ءۇشىن جوبا قۇجاتتارى ازىرلەنگەن.

 

تۇركىستان وبلىسى

 

سوڭعى جاڭالىقتار

الماتى: جولاۋشىلار اعىنى مەن كولىك سانى ازايدى

وڭتۇستىك قازاقستان • بۇگىن، 18:10

بەتپەردە كيگەن كوكتەم - 6

قوعام • بۇگىن، 17:09

د دارۋمەنى - ينفەكتسيالاردىڭ «جاۋى»

كوروناۆيرۋس • بۇگىن، 16:47

شىمكەنت: تسيفرلى وتباسىنىڭ ءبىر كۇنى

وڭتۇستىك قازاقستان • بۇگىن، 15:58

ازيانىڭ احۋالى قانداي بولماق

ەكونوميكا • بۇگىن، 15:23

ۇقساس جاڭالىقتار