پرەمەر-مينيستر ساۋليۋس سكۆەرنياليس بيزنەستى مۇمكىندىگىنشە قىزمەتكەرلەردى جۇمىستان شىعارماۋعا شاقىردى. تۇراقتاندىرۋ جوسپارىندا, اتاپ ايتقاندا, كومپانيالاردىڭ جۇمىس ورىندارى مەن وتىمدىلىگىن ساقتاۋعا 0,5 ميلليارد ەۋرو, دەنساۋلىق ساقتاۋ سالاسىنا تاعى 0,5 ميلليارد ەۋرو قاراستىرىلعان. ورتالىق بانك ارقىلى جوسپاردى قارجىلاندىرۋ 2,5 ملرد ەۋرونى قۇرايدى. ول توتەنشە جاعدايدا جۇمىس ىستەيتىن بيۋدجەتتىك ۇيىمداردىڭ قىزمەتكەرلەرىنە جاردەماقى بولىنەتىنىن ايتتى. جوسپار كومپانيالارعا سالىق تولەۋدى كەيىنگە قالدىرۋ نەمەسە ايىپپۇل تولەمەي كەلىسىمشارتتىق كەستەگە سايكەس سالىقتاردى قايتا ءبولۋ مۇمكىندىگىن ۇسىنادى. جەكە سالىق تولەۋشىلەر ايىپپۇلداردان, وسىماقىلاردان بوساتىلىپ, تولەنبەگەن سالىق تولەمدەرىن ءوندىرىپ الۋ جونىندەگى ءىس-شارالار توقتاتىلادى.
الماتى
