ايماقتار • 26 ناۋرىز، 2020

ماڭعىستاۋدا مەرەكە كۇندەرى 5 ەسىرتكى قىلمىسى تىركەلدى

61 رەت كورسەتىلدى

ناۋرىز ايىنىڭ باسىنان بەرى جەدەل ءىس-شارالار جۇرگىزۋ بارىسىندا ماڭعىستاۋ وبلىسى پد ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى 50 ەسىرتكى قىلمىسىن انىقتادى، ونىڭ ىشىندە سوڭعى مەرەكە كۇندەرى – 5 فاكت. بۇل تۋرالى ماڭعىستاۋ وبلىستىق پوليتسيا دەپارتامەنتى ءباسپاسوز قىزمەتى حابارلادى.

مىسالى، پوليتسيا قىزمەتكەرلەرى اقتاۋ قالاسىنىڭ تۇرعىنىن انىقتادى،ونى تەكسەرۋ كەزىندە ەسىرتكى زاتىنا ۇقساس زات بار قاعاز وراما تابىلدى. ساراپتاما قورىتىندىسى بويىنشا، تاركىلەنگەن زات 3،72 گرامم سالماعىندا ەسىرتكى زاتى ەكەنى انىقتالدى. وسىنداي جاعداي جاڭاوزەن قالاسىندا دا ورىن الدى. پوليتسيا قىزمەتكەرلەرى كوشەدە قالا تۇرعىنىن ۇستادى، ونى تەكسەرۋ كەزىندە 3،24 گرامم قۇرايتىن ماريحۋانا تاۋىپ، تاركىلەپ العان. تۇپقاراعان اۋدانىنىڭ ەكى تۇرعىنىنان دا بىرەۋى 10،6 جانە ەكىنشىسى 5،83 گرامم قۇرايتىن ەسىرتكى زاتى تابىلىپ، ۇستالدى.

كوبىنەسە پوليتسەيلەر ەسىرتكى ىزدەۋ ءۇشىن يتتەردى پايدالانادى. اقتاۋ قالالىق پب پوليتسيا قىزمەتكەرلەرى جەرگىلىكتى تۇرعىننان ەسىرتكى زاتتارىن تاپتى. ولاردى ىزدەۋدە پوليتسەيلەرگە قىزمەتتىك يتپەن كينولوگ كومەكتەستى. تىيىم سالىنعان زاتتاردى ىزدەۋ بويىنشا پاترۋلدەۋ كەزىندە چاك اتتى يت ساناۋلى مينۋتتاردا ورناتتى. سۋپەرماركەتتىڭ جانىنان ءوتىپ بارا جاتقان كەزدە ءيتتىڭ مىنەز-قۇلقى كۇرت وزگەرە باستادى. سول ۋاقىتتا عيماراتتىڭ جانىندا ادام ءوتىپ بارا جاتقان بولاتىن. پوليتسيا قىزمەتكەرلەرى ازاماتتى توقتاتقان كەزدە چاك كۋرتكانىڭ سول قالتاسىنا بەلسەندى بەلگى بەرىپ، كۋاگەرلەردىڭ قاتىسۋىمەن ازاماتتان ماريحۋاناعا ۇقساس وسىمدىك تەكتەس زات سالىنعان قاعاز وراماسى تابىلدى. ەسىرتكى زات تاركىلەنىپ الىندى.

ساراپتاما انىقتاماسى ناتيجەسىندە ەسىرتكى زاتىنىڭ سالماعى 130 گراممدى قۇرادى.

 

ماڭعىستاۋ وبلىسى

سوڭعى جاڭالىقتار

ۇقساس جاڭالىقتار