رۋحانيات • 26 ناۋرىز، 2020

BizBirgemiz اكتسياسىن قولدايدى (ۆيدەو)

139 رەت كورسەتىلدى

بۇگىنگى كوروناۆيرۋس ىندەتى مەڭدەگەن قىسىلتاياڭ شاقتا نۇر-سۇلتان قالاسى اكىمدىگىنىڭ مەملەكەتتىك اكادەميالىق فيلارمونياسىنىڭ ارتىستەرى ءاردايىم ەلمەن بىرگە ەكەندىكتەرىن ءوز ونەرلەرىمەن ءبىلدىرىپ، رۋحاني قولداۋ كورسەتتى.

شىعارماشىلىق ۇجىم #BizBirgemiz رەسپۋبليكالىق اكتسياسىن قولداپ، قازاقستاندىقتاردىڭ اماندىعىنا جاسالىپ جاتقان، قاۋىپتى ىندەتكە قارسى قولعا الىنعان شارالارعا بارىنشا ۇلەس قوسۋدا. ىسپەن ۇلگى بولىپ، ونەرمەن حالىقتىڭ رۋحىنا دەم بەرىپ كەلەدى. سونىڭ ايقىن كورىنىسى – فيلارمونيا ارتىستەرى ءارتۇرلى ورىندا، ءارتۇرلى ۋاقىتتا ورىنداعان «اتامەكەن» ءانى. ءبىر قىزىعى، ورىنداۋشىلار مۋزىكالىق شىعارمانى بىرىنەن سوڭ ءبىرى جالعاستىرىپ شىرقايدى.

قازاقتىڭ جۇرەگىنە اينالعان ءان ءاربىر ادامنىڭ بويىندا وتانعا دەگەن سۇيىسپەنشىلىكتى ارتتىرىپ، جىگەرلەندىرەدى. حالىق ءارتىسى ەسكەندىر حاسانعاليەۆتىڭ ءانى – بار قازاقتىڭ اۋزىندا جۇرگەن تۋىندى. قازىرگىدەي سىن ساعاتتا ءبارىمىز بىرىگىپ، ءبىر جەڭنەن قول، ءبىر جاعادان باس شىعارۋىمىز قاجەت. ۇلتىمىزدى شابىتتاندىراتىن وسىنداي انمەن رۋحىمىز بەرىك بولسا يگى. تالاي قيىنشىلىقتى باستان وتكەرگەن قازاقستان بۇل اۋىر سىناققا دا توتەپ بەرەدى. 

سوڭعى جاڭالىقتار

ۇقساس جاڭالىقتار