قازاقستان • 26 ناۋرىز، 2020

ونلاين دارىستەر جالعاسۋدا

117 رەت كورسەتىلدى

شارتاراپتى شارلاعان كوروناۆيرۋستىڭ كۇننەن-كۇنگە ورشۋىنە بايلانىستى ەل پرەزيدەنتى قاسىم-جومارت كەمەل ۇلى ساقتىق شارالارىن كۇشەيتۋدى جانە تىعىرىقتان شىعۋعا ارنالعان كەشەندى جۇمىستاردى تاپسىردى. وسى ورايدا مəدەنيەت جəنە سپورت مينيسترلىگى ونەر مەن سپورتتىڭ بارشاعا قولجەتىمدىلىگىن قامتاماسىز ەتۋ ماقساتىندا ونلاين نۇسقاعا كوشۋىنە بايلانىستى ءوز تاراپىنان بىرنەشە جوبانى قولعا الىپ وتىر.

مادەنيەت جانە سپورت مينيسترلىگىنە قاراستى قۇرمانعازى اتىنداعى قازاق ۇلتتىق كونسەرۆاتورياسىنىڭ باسشىلىعى وسى جوبالار اياسىندا قىزمەتكەرلەردىڭ قاشىقتىقتان جۇمىس ىستەۋىنە، جالپى ونەرسۇيەر قاۋىمنىڭ ونلاين شەبەرلىك-دارىستەرىن الۋىنا مۇمكىندىكتەر جاساپ وتىر.

ءار ازاماتتىڭ ۇيدە وتىرىپ، ءبىلىمى مەن تانىمىن ارتتىرۋى ءۇشىن جاسالىپ جاتقان شارالاردىڭ ءبىرى #óneronline حەشتەگىمەن ىسكە قوسىلدى. 25 ناۋرىزدا وسى جوبا اياسىندا قۇرمانعازى اتىنداعى قازاق ۇلتتىق كونسەرۆاتورياسىنىڭ اعا وقىتۋشىسى ماقسات مەدەۋبەكتىڭ «قوبىز – قورقىتتان قالعان اڭىز» اتتى لەكتسيا-كونتسەرتى ءوتتى.

ودان كەيىنگى باۋىرجان بەكمۇحانبەتتىڭ قاتىسۋىمەن 26 ناۋرىزدا وتكەن شەبەرلىك-ءدارىس «جەتىسۋدىڭ وڭتۇستىك شىعىسىنداعى كۇيشىلىك ءداستۇرى» تاقىرىبىنا ارنالدى. ايتا كەتەيىك، #óneronline حەشتەگىمەن وتەتىن دارىستەردى مادەنيەت جانە سپورت مينيسترلىگى جانە قۇرمانعازى اتىنداعى قازاق ۇلتتىق كونسەرۆاتورياسىنىڭ الەۋمەتتىك جەلىدەگى جەكە پاراقشالارىنان تاماشالاۋعا بولادى.   

سوڭعى جاڭالىقتار

الماتىدا جەر سىلكىندى

قازاقستان • بۇگىن، 16:48

ەلەنگەن ەرلىك

ايماقتار • بۇگىن، 13:22

قاراشادا كۇن سۋىتادى

اۋا رايى • بۇگىن، 11:59

ۇقساس جاڭالىقتار