بيزنەس • 26 ناۋرىز، 2020

بيزنەسمەندەر ءۇشىن ءۇش اي مەرزىمگە جالداۋ تولەمدەرى الىنبايدى

20 رەتكورسەتىلدى

الماتى قالاسى كاسىپكەرلەر پالاتاسىنىڭ ديرەكتورى ناريمان ابىلشايىقوۆ وڭتۇستىك استاناداعى بيزنەستى قولداۋ شاراسىنا وراي مەملەكەتتىڭ سالىق مىندەتتەمەلەرىن كەيىنگە قالدىرۋى، جالعا الۋعا قاتىستى، ت.ب. ماسەلەلەر تۋىنداپ وتىرعانىن جەتكىزدى.  

الماتىدا 2020 جىلدىڭ 1 ناۋرىزىندا ستاتيستيكالىق مالىمەتتەر بويىنشا، 106 007 جەكە كاسىپكەرلىك جانە زاڭدى تۇلعالار جۇمىس ىستەيدى. ونداعى قىزمەتكەرلەردىڭ ناقتى سانى 346 899 ادام. الماتى قالاسىنىڭ 19 ناۋرىزدان باستاپ كارانتينگە جابىلۋىنا بايلانىستى ءارى 26 ناۋرىزدان جاڭا رەجيم كۇشىنە ەنۋىنە وراي ساۋدا جانە قىزمەت كورسەتۋ سالاسىنداعى نىسانداردىڭ جۇمىسى توقتاتىلادى. ال ازىق-ت ۇلىك دۇكەندەرى مەن ءدارىحانالار جۇمىسىن جالعاستىراتىن بولادى.

ناريمان ابىلشايىقوۆتىڭ ايتۋىنشا، بىرەگەي ەكونوميكالىق قۇرىلىمى بار الماتى قالاسىندا 70% ساۋدا جانە قىزمەت كورسەتۋ سالالارى جۇمىس ىستەسە، بۇل نىسانداردا 240 مىڭنان استام ادام ەڭبەك ەتەدى. ء«اربىر قازاقستاندىق، سونىڭ ىشىندە كاسىپكەرلەر ۇلتتىق قاۋىپسىزدىك ماسەلەلەرىنىڭ جوعارى تۇرعانىن تۇسىنەدى. ءبىز كۇتەتىن ەكونوميكالىق پروتسەستەر كەيىنگە قالدىرىلۋى مۇمكىن. توتەنشە جاعداي رەجيمى ەنگىزىلگەن ءبىرىنشى كۇنىنەن باستاپ، ءبىز جەدەل شارالار قابىلدادىق، سەنىم تەلەفوندارى جۇمىس ىستەيدى، بۇگىندە بيزنەس تاراپىنان  8 مىڭنان استام قوڭىراۋ كەلىپ ءتۇستى. ەگەر كاسىپكەرلەردىڭ تاراپىنان قويىلعان سۇراقتاردى جۇيەلەيتىن بولساق، بۇل قولدانىستاعى قارىزداردى، ەكىنشى دەڭگەيلى بانكتەر الدىنداعى نەسيەلىك مىندەتتەمەلەردى كەيىنگە قالدىرۋ ماسەلەلەرى، بۇل سۇراق پالاتاعا كەلىپ تۇسكەن وتىنىشتەردىڭ 35% قۇرايدى»، - دەپ اتاپ ءوتتى ن. ابىلشايىقوۆ.

اعىمداعى جىلدىڭ 20 ناۋرىزىنان باستاپ مەملەكەتتىك، كۆازيمەملەكەتتىك جىلجىمايتىن م ۇلىك وبەكتىلەرى بويىنشا بيزنەسمەندەر ءۇشىن 3 اي مەرزىمگە جالداۋ تولەمدەرىن ەسەپتەۋ توقتاتىلدى.

قازىرگى تاڭدا پالاتا مەن قالا اكىمدىگى بىرلەسە كوممەرتسيالىق ءۇي-جايلاردى جالعا الاتىن شاعىن جانە ميكروبيزنەس سۋبەكتىلەرىن، جالداۋ تولەمىنەن بوساتۋ مۇمكىندىگىن بىرلەسىپ قاراستىرۋدا.

الماتى قالاسىنىڭ كاسىپكەرلەر پالاتاسى جانىنان ساۋدا جانە قىزمەت كورسەتۋ سالاسىن مونيتورينگىلەۋ بويىنشا جۇمىس توبى قۇرىلدى. جۇمىس توبىنىڭ باستى مىندەتتەرىنىڭ ءبىرى – بارلىق جالعا بەرۋشىلەردەن-ساۋدا ورتالىقتارىمەن تىعىز بايلانىستا جۇمىس ىستەۋ. جۇمىس توبىنىڭ مۇشەلەرى 25 ناۋرىز كۇنى 89 كاسىپكەرمەن كەزدەسىپ، ولاردىڭ بارلىعىنا دەرەكتەردى تولتىرۋ تۋرالى كەستە جىبەرىلدى. تالداۋ جۇمىستارى كورسەتكەندەي، جالعا بەرۋشىلەردىڭ كوپشىلىگى تج جانە كارانتين كەزەڭىندەگى تولەمدەر بويىنشا جالعا الۋشىلارعا دەمالىس بەرۋگە نەمەسە كەيىنگە قالدىرۋعا قارسى ەمەس.

بىراق جالعا بەرۋشىلەر تاراپىنان بىرقاتار شەشىلمەگەن ماسەلەلەر بار، اتاپ ايتقاندا، قىزمەتتەردىڭ توقتاتىلۋى مەن شىعىندارعا بايلانىستى.

 «الماتىدا 100-گە جۋىق ءىرى ساۋدا جانە ويىن-ساۋىق ورتالىعى جۇمىس ىستەيدى. ءىرى ورتالىقتار تج كەزىندە، جالعا الۋشىلاردى جالداۋ اقىسىن تولەۋدەن بوساتۋ تۋرالى شەشىم قابىلدادى. مىسالعا، مۇنداي شەشىمدەردى «موسكۆا» ويىن-ساۋىق ورتالىعى جانە «اۆتوسيتي» ساۋدا ورتالىقتارى قابىلدادى.  العاشىندا قالادان شىعۋ جانە كىرۋ بويىنشا ماسەلەلەر بولدى. بۇل ماسەلەلەر بۇگىنگى كۇنى جەدەل شتابپەن تولىق شەشىمىن تاپتى. قازىرگى ۋاقىتتا 27 بلوكپوستتار جۇمىس ىستەيدى، اكىمدىكتىڭ وكىلدەرى جۇمىس ىستەۋدە، پالاتا قىزمەتكەرلەرى كۇن سايىن وسى بلوكپوستارعا بارىپ تۇرادى»، - دەپ اتاپ ءوتتى سپيكەر.

تج جانە كارانتين ەنگىزىلگەن ۋاقىتتان باستاپ، ازىق-ت ۇلىك تاۋارلارىن «جاسىل ءدالىز» ارقىلى وتكىزۋگە بايلانىستى پالاتاعا 220-دان استام قوڭىراۋ كەلىپ تۇسكەن. ن.ابىلشايىقوۆتىڭ ايتۋىنشا، بيزنەس وكىلدەرىنىڭ تاراپىنان ايتىلعان بارلىق ماسەلەلەر بويىنشا قولداۋ شارالارى قاراستىرىلۋدا.

الماتى

سوڭعى جاڭالىقتار

ۇقساس جاڭالىقتار