ايماقتار • 26 ناۋرىز، 2020

قوستاناي: پوليتسيا توتەنشە جاعداي ءتارتىبىن بۇزعان ءدامحانالار مەن ساۋىق مەكەمەلەرىنىڭ ءتىزىمىن جاريا ەتتى

36 رەت كورسەتىلدى

جەرگىلىكتى پوليتسيا باسقارماسىنىڭ باستىعى قۇرمەت ماجىكەنوۆتىڭ ايتۋىنشا، وبلىستا  توتەنشە جاعداي رەجىمىن بۇزعان 19 ءدامحانا مەن ساۋىق مەكەمەسى اكىمشىلىك جاۋاپكەرشىلىككە تارتىلعان. الدىن الا جۇرگىزىلگەن ءتۇسىندىرۋ جۇمىستارىنا قاراماستان، كەيبىر كاسىپكەرلەر شەكتەۋ رەجىمىنە مويىنسۇنباي، بەلگىلەنگەن قاۋىپسىزدىك ءتارتىبىن بۇزۋىن تىيماي وتىر. ماسەلەن، 25 ناۋرىز كۇنى وبلىستا توتەنشە جاعداي رەجىمىن بۇزعان تاعى 5 ءدامحانا انىقتالعان.

بۇگىن پوليتسيا تج رەجىمىن بۇزعان مەيرامحانالار مەن كافەلەردىڭ ءتىزىمىن جاريالادى. تىزىمگە قوستاناي قالاسىنان 8، رۋدنىيدان 2، جىتىقارادان 4، توبىل قالاسىنان 1، ارقالىقتان 2،  امانگەلدى جانە ب.مايلين اۋداندارىنان 2 كافە، مەيرامحانا، ويىن-ساۋىق كلۋبتارى سياقتى مەكەمەلەر ەنگەن.

بۇگىنگە دەيىن انىقتالعان 19 كاسىپكەر قر اقبتك-ءنىڭ 476-بابى بويىنشا اكىمشىلىك جاۋاپكەرشىلىككە تارتىلدى. باپ سانكتسياسى 10 اەك مولشەرىندە اكىمشىلىك ايىپپۇل نەمەسە 15 تاۋلىك مەرزىمگە قاماۋعا الۋدى كوزدەيدى، - دەپ حابارلادى وبلىستىق پد-ءنىڭ ءباسپاسوز قىزمەتى.

قوستاناي وبلىسى

سوڭعى جاڭالىقتار

ۇقساس جاڭالىقتار