ايماقتار • 26 ناۋرىز، 2020

قوستاناي وبلىسىندا 12 ادام گوسپيتالگە ءتۇستى

799 رەتكورسەتىلدى

توبىل قالاسىنىڭ پروۆيزورلىق گوسپيتالىنە بۇگىن تۇسكەن 12 ادامنىڭ بارلىعى دا قوستاناي وبلىسىنىڭ تۇرعىندارى. ونىڭ بەسەۋى الماتى قالاسىنا ەگيپەتتەن ۇشىپ كەلگەن. وڭتۇستىك استانادا ولاردان قان الىنىپ، تالداۋ قورىتىندىسى تەرىس ناتيجە كورسەتكەن. بۇدان ءارى بەس ازامات وتاردان پويىزعا ءمىنىپ، قوستاناي وبلىسىنا جولعا شىعادى.

تاۋارلار جانە كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ مالىمەتىنشە، جولاۋشىلار كوروناۆيرۋس راستالعان قازاقستان ازاماتىمەن بايلانىستا بولعان. سوندىقتان بەسەۋىن جانە ولارمەن بىرگە پويىزعا مىنگەن باسقا جولاۋشىلاردى پويىز جولسەرىكتەرىمەن قوسىپ گوسپيتالعا جاتقىزۋ تۋرالى شەشىم قابىلدانعان.

پويىزداعى 4 ادام جولاي امانقاراعاي بەكەتىنەن ءتۇسىپ قالادى. ولاردى تانىستارى كولىكپەن كۇتىپ الىپ، قوستاناي قالاسىنا قاراي بەت تۇزەيدى. كولىكتى پوليتسيا مەن ەپيدەميولوگ ماماندار وبلىس ورتالىعىنا جەتپەي توقتاتىپ، جەدەل اۋرۋحاناعا الىپ بارعان.

قالعان 8 جولاۋشىنى ءتيىستى سالا ماماندارى بەيىمبەت مايلين اۋدانىنا قاراستى توبىل بەكەتىندە توقتاتىپ، پوليتسيانىڭ كومەگىمەن جەدەل جاردەم كولىگىنە مىنگىزىپ، توبىل قالاسىنىڭ پروۆيزورلىق گوسپيتالىنە جەتكىزەدى. دەپارتامەنتتىڭ ءباسپاسوز قىزمەتى بەرگەن مالىمەت بويىنشا، جولاۋشىلاردىڭ بارلىعىنان قان الىنىپ، تالداۋعا جىبەرىلگەن. 

 

قوستاناي وبلىسى

سوڭعى جاڭالىقتار

ىستىق تاماق تاراتتى

قازاقستان • كەشە

ۇقساس جاڭالىقتار