رۋحانيات • 26 ناۋرىز، 2020

اكادەميالىق كىتاپحانا تىنىسى

161 رەت كورسەتىلدى

بۇگىندە ەلوردانىڭ ۇلتتىق اكادەميالىق كىتاپحاناسى شارتاراپتى شارلاعان كوروناۆيرۋسقا بايلانىستى قاشىقتىق رەجىمدە وقىرماندارعا ونلاين قىزمەت كورسەتۋدە. ياعني، قازاقستاندىق ۇلتتىق ەلەكتروندى كىتاپحاناسى كۇندەلىكتى 24/7 رەجىمىندە جۇمىس ىستەپ تۇر.

قازىرگى تاڭدا ۇلتتىق ەلەكتروندى كىتاپحانا قىزمەتىن الەمنىڭ 60-تان استام ەلىنەن وقىرماندار قولدانۋدا. ولاردىڭ قاتارىندا قازاقستان، رەسەي، قىتاي، تۇركيا، اقش ەلدەرى بار. سونداي-اق، پورتالدى تمد، فينليانديا، گەرمانيا، بولگاريا، رۋمىنيا، جاپونيا، وڭتۇستىك كورەيا جانە ت.ب. مەملەكەتتەردىڭ ازاماتتارى پايدالانىپ وتىر.

وسى ورايدا جۋىردا عانا قازاقستاندىق ۇلتتىق ەلەكتروندى كىتاپحانا «قازاقستاننىڭ ۇلتتىق جانە مادەني مۇراسىنىڭ رەسۋرسى رەتىندە» اتتى ۆەبينار وتكىزدى. ودان بولەك online كىتاپحانا جوباسى ىسكە قوسىلدى. بۇل جوبا قازاقستاننىڭ بارلىق كىتاپحاناشىلارى مەن ەل ازاماتتارىنا ارنالادى. سونداي-اق قازىرگى زامانعى جاڭا تەحنولوگيالار بويىنشا ءارتۇرلى تاقىرىپتاعى كۇندەلىكتى دارىستەر وتكىزىلەدى دەپ جوسپارلانۋدا.

پايدالانۋشىلار ءۇشىن ءبىلىمنىڭ بارلىق سالالارى بويىنشا قازاقستاندىق باسىلىمدارعا قولجەتىمدىلىك بەرىلىپتى: سيرەك كىتاپتار مەن قولجازبالارعا، ماقالالارعا، گازەتتەر مەن جۋرنالدارعا، كوركەم ادەبيەتكە، مەملەكەت جانە قۇقىق، ونەر جانە ت.ب. سونىمەن قاتار، پايدالانۋشىلار اۆتورەفەراتتار مەن ديسسەرتاتسيالارعا، ۋنيۆەرسيتەتتەر مەن عىلىمي-زەرتتەۋ ينستيتۋتتارىنىڭ عىلىمي باسىلىمدارعا، سونداي-اق كىتاپحانا جازىلعان IPR Books جانە Euromonitor Passport تولىق ءماتىندى دەرەكتەر قورىنا قول جەتكىزۋ مۇمكىندىگىنە يە بولدى.

YouTube ارناسىندا جانە الەۋمەتتىك جەلىلەردە قازاقستاننىڭ ەڭبەك سىڭىرگەن قايراتكەرى، پرەزيدەنتتىك سىيلىقتىڭ لاۋرەاتى، جۋرناليست كوپەن امىربەكتىڭ «اباي ─ ساتيريك» تاقىرىبىندا ءدارىسى، فيلولوگيا عىلىمدارىنىڭ دوكتورى، پروفەسسور ش.يبراەۆ، پروزاشى، اقىن ب.الىمجانوۆپەن، قوعام قايراتكەرى، قحا مۇشەسى ك.ا.حانمەن سۇحباتتار قويىلعان.

كىتاپحانانىڭ ونلاين قىزمەتى بويىنشا بولاشاقتا كوپتەگەن جۇمىستار اتقارىلماق. اتاپ ايتساق، قازاقستاندىق جۋرنالداردىڭ سايتتارى، ونىڭ ىشىندە عىلىمي باسىلىمدارعا شولۋ جاساۋ، كىتاپحانانىڭ اتاۋلى وقۋ زالدارىنىڭ ۇلتتىق قورى تۋرالى اقپاراتتىق ساعات، جاڭا تەرمينولوگيالىق سوزدىكتەر مەن «XXI عاسىرداعى قازاقستان جانە الەم» ونلاين-شولۋلار، جاڭا كىتاپتار، ادەبي كەشتەر، «قازاقستان جازۋىنىڭ جانە كىتاپتارىنىڭ تاريحى» ۆيدەولەكتسيالار، بالالارعا ارنالعان ونلاين-پوەزيا جانە سۋرەتتەر سايىسى، بالالار ادەبيەتى مەن ەرتەگى تەراپيا ونلاين دارىستەر، «اباي – ساتيريك»، اقىن-جازۋشىلارمەن، ابايتانۋشىلارمەن ونلاين كەزدەسۋلەر، سيرەك كىتاپتار مەن قۇندى قولجازبالار ونلاين لەكتسياسى، اقپاراتتىق تەحنولوگيالار جونىندەگى ۆەبينار، ءابۋ ناسىر ءال فارابيدىڭ 1150 جىلدىعىنا وراي ونلاين كونفەرەنتسيا مەن ونلاين لەكتسيالار وتكىزىلمەك.

سوڭعى جاڭالىقتار

تاريحي نىساندار جاڭعىرتىلۋدا

قازاقستان • بۇگىن، 13:05

بۇگىن – ەڭبەك كۇنى

قازاقستان • بۇگىن، 09:20

شەكتەن شىققان احۋال جوق

ايماقتار • كەشە

اتىراۋدا ەگىز ۇل امان-ەسەن تابىلدى

ايماقتار • 25 قىركۇيەك، 2020

اتىراۋدا جول بويىندا تراكتور اۋدارىلدى

ايماقتار • 25 قىركۇيەك، 2020

شىعىستا جازۋشى ءمۇسىنى تۇعىرعا قوندى

رۋحانيات • 25 قىركۇيەك، 2020

ۇقساس جاڭالىقتار