قارجى • 26 ناۋرىز، 2020

ۇلتتىق بانك پاندەميا كەزىندە اقشا پايدالانۋدى قولدامايدى

61 رەتكورسەتىلدى

ۇلتتىق بانكتىڭ قولما-قول اقشانى باسقارۋ دەپارتامەنتىنىڭ ديرەكتورى جومارت قاجىمۇراتوۆ پاندەميا كەزىندە اقشانى پايدالانۋ تۋرالى پىكىر ءبىلدىردى.

- ۇلتتىق بانكتىڭ COVID-19 ۆيرۋسىنىڭ تارالۋ ىقتيمالدىعى تۋرالى تۇسىنىك بەرۋگە قۇزىرەتى جوق.  COVID-19 ۆيرۋسىن جۇقتىرعان بانكنوتتاردىڭ اينالىمعا ەنۋ ىقتيمالدىعى تىم جوعارى ەمەس. بىراق  بانكنوتتاردى كوللەكتسيادان كەيىنگى ساقتاۋ مەرزىمى ۇزاق. ۇلتتىق بانكتىڭ ىشكى ەرەجەلەرىنە سايكەس ەكىنشى دەڭگەيدەگى بانكتەردەن الىنعان قولما-قول اقشانى قايتا ەسەپتەۋ باستالعانعا دەيىن 45 كۇن ىشىندە جانە قايتا ەسەپتەگەننەن كەيىن 1 جىل ىشىندە ساقتايدى، - دەيدى جومارت قاجىمۇراتوۆ.

سونىمەن قاتار،  ۇلتتىق بانك وكىلىنىڭ پايىمداۋىنشا، دۇنيەجۇزىلىك دەنساۋلىق ساقتاۋ ۇيىمىنىڭ مالىمەتى بويىنشا، قازىرگى ۋاقىتتا «ۆيرۋستىڭ تازا اۋاداعى نەمەسە زاتتار ارقىلى اۋىسۋ تۇراقتىلىعى تۋرالى» اقپارات جوق. كوروناۆيرۋستىڭ قورشاعان ورتاداعى تۇراقتىلىعى بىرقاتار فاكتورلارعا، سونىڭ ىشىندە  تەمپەراتۋرا مەن ىلعالدىلىققا، سونداي-اق تازالىققا بايلانىستى.

قولما-قول اقشامەن جۇمىس ىستەيتىن كاسسيرلەرگە  قولدى ءجيى جۋعا كەڭەس بەرەمىز. بۇل تەك ولار ءۇشىن عانا ەمەس، بارلىق ادام ءۇشىن ماڭىزدى.  ددسۇ جانە قازاقستان رەسپۋبليكاسى دەنساۋلىق ساقتاۋ مينيسترلىگى ۇسىنعان شارالاردى ساقتاۋ قاجەت.

- ۆيرۋس تاراتۋدىڭ ەڭ وسال تولەم ءادىسى -  ونلاين رەجيمىندە قولما-قول اقشاسىز تولەم تۇرلەرىن قولدانۋدى ۇسىنامىز. بۇل بايلانىس قۇرالى رەتىندە  كوروناۆيرۋستىڭ تارالۋىن شەكتەيدى، - دەپ ءسوزىن تۇيىندەدى ۇلتتىق بانك وكىلى. 

سوڭعى جاڭالىقتار

ىستىق تاماق تاراتتى

قازاقستان • كەشە

ۇقساس جاڭالىقتار