ايماقتار • 26 ناۋرىز، 2020

شقو-دا جول جوندەۋ جۇمىستارىنا نەمقۇرايلى قاراعان مەردىگەرلەر انىقتالدى

12 رەتكورسەتىلدى

وتكەن جىلى شىعىس قازاقستان وبلىسىندا 45 باعىت بويىنشا جولدارعا ءتۇرلى دارەجەدەگى جوندەۋ جۇمىستارى جۇرگىزىلدى. ال 11 شاقىرىم بولاتىن  سەمەي-قاينارلى تاسجولى تولىق جوندەۋدەن ءوتىپ، قولدانىسقا بەرىلدى. دەگەنمەن جۇمىسىنا نەمقۇرايلى قاراعان مەردىگەر مەكەمەلەر دە بولعان.

جاڭادان نەمەسە جوندەلگەن جولدىڭ جوبادان اۋىتقىماۋىن «جول اكتيۆتەرى ۇلتتىق ساپا ورتالىعى» رمك وبلىستىق فيليالى قاداعالايدى. قاداعالاۋشى مەكەمە وتكەن جىلى مەردىگەر مەكەمەلەردىڭ اتقارعان جۇمىسىنان 700-دەن استام كەمشىلىكتى انىقتاعان. كوشپەلى زەرتحانا ماماندارى جوندەۋدەن وتكەن جولعا بارىپ كەز كەلگەن  جەرىنەن سىناما الىپ، توسەلگەن اسفالتتىڭ ساپاسىن زەرتتەيدى. ەگەر كەمشىلىك انىقتالسا، ارنايى حاتتاماعا سايكەس جاۋاپتى مەكەمە مەن مەردىگەر كومپانياعا ولقىلىقتى جويۋعا نۇسقاۋ بەرەدى. ودان سوڭ قايتا تەكسەرەدى. ت

بىلتىر جول اكتيۆتەرى ۇلتتىق ساپا ورتالىعىنىڭ وبلىستىق فيليالى بارلىق جوندەۋدەن ءوتىپ جاتقان جولعا 523 رەت ىسساپارعا شىعىپ، 626 سىناما الىپ، تەكسەرۋدەن وتكىزگەن. فيليال ديرەكتورى ەرجان ايازباەۆتىڭ ايتۋىنشا، نەگىزگى كەمشىلىكتەر اسفالتتىڭ ساپاسىنا نەمەسە قيىرشىق تاسقا قاتىستى بولادى. سونداي-اق جول بەلگىلەرىن دۇرىس ورناتىلماۋى. ءتۇرلى سىزىقتاردىڭ قيسىق بولۋى نەمەسە ماتەريالدىڭ دۇرىس ساقتالماۋىنا قاتىستى كەمشىلىكتەر انىقتالدى. وسى انىقتالعان كەمشىلىكتەردى جويۋ ءۇشىن مەردىگەرلەر مەن تاپسىرىس بەرۋشىلەرگە 336 حات جولداندى.

 

شىعىس قازاقستان وبلىسى 

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ەكى قىلمىستىق توپ ۇستالدى

ايماقتار • 05 ماۋسىم، 2020

ۇقساس جاڭالىقتار