«كەز-كەلگەن جاعدايعا تاس-ءتۇيىن دايىن تۇرۋ كەرەك. ءاربىر ازاماتىمىزدىڭ اماندىعىن ويلاي وتىرىپ, زور جاۋاپكەرشىلىك تانىتىپ, دايىندىق جۇمىستارىنا تىڭعىلىقتى جانە مۇقيات قاراۋ كەرەك. دەرتكە قارسى كۇرەس ءۇشىن قاجەتتى بارلىق جاعداي جان-جاقتى جاسالۋى ءتيىس», – دەدى ومىرزاق ەستاي ۇلى. قاۋىپتى كەسەلگە ۇقساس كلينيكاسى بار ازاماتتاردىڭ دياگنوزدارىن انىقتاۋ ماقساتىندا وبلىس اۋماعىندا 240 توسەك-ورىنعا پروۆيزورلىق گوسپيتالدار قاراستىرىلعان. ودان بولەك, بارلىق اۋداندار مەن قالالارداعى ينفەكتسيالىق اۋرۋلار بولىمدەرى دايىندىق جاعدايىنا كەلتىرىلگەن. قارىم-قاتىناستا بولعانداردى وقشاۋلاۋ ءۇشىن وبلىس اۋماعىنا 505 توسەك-ورىنعا وبسەرۆاتسيالىق ورتالىقتار اشىلعان.
سونداي-اق لەزدەمەدە وقشاۋلاۋ ورىندارىندا وكپەنى جاساندى جەلدەتۋ مەديتسينالىق قۇرال-جابدىقتارىنىڭ سانى ارتىپ, قاجەتتى ءدارى-دارمەك قورىمەن تولىق قامتىلعانى ايتىلدى. بلوك-بەكەتتەردە مەديتسينالىق قىزمەتكەرلەرگە قاجەتتى قۇرال-جابدىقتارعا قوسىمشا تاپسىرىستار بەرىلگەن. بارلىق مەديتسينالىق ۇيىمدارداعى مەديتسينالىق قىزمەتكەرلەر كوروناۆيرۋستىڭ كلينيكاسى, ەمدەۋ جانە دياگنوستيكالاۋ بويىنشا تۇراقتى تۇردە دايىندىق شارالارىنان وتۋدە.
تۇركىستان وبلىسى
