ايماقتار • 26 ناۋرىز، 2020

قوستاناي وبلىسى: كوروناۆيرۋسكە قارسى شەپ قۇرۋ جوسپارى پىسىقتالدى

29 رەتكورسەتىلدى

ايماق باسشىسى ارحيمەد مۇحامبەتوۆتىڭ توراعالىعىمەن وتكەن سەلەكتورلىق كەڭەستە وبلىستا ەپيدەميالىق جاعداي ناشارلاعان جاعدايدا قوستاناي قالاسىنا كىرەبەرىس جولداردا باقىلاۋ-وتكىزۋ بەكەتتەرىن ورناتۋ تۋرالى ماسەلە ءسوز بولدى. قوستاناي قالاسىنىڭ اكىمى مۇنداي جاعدايدا ءىرى اۆتوكولىك جولدارىندا 6 باقىلاۋ-وتكىزۋ بەكەتىن ورناتۋدى ۇسىندى.

- وبلىستىق پد-ءنىڭ موبيلدىك پاترۋلدەرى اقتوبە وبلىسىمەن جانە رەسەيمەن اۆتوكولىك قاتىناسىن ءۇزۋ ءۇشىن قوستاناي – جدانوۆ جانە قوستاناي – مايكول اۆتوجولدارىن قورشاۋعا دايىن. باستىسى، ترانزيتتىك اۆتوموبيلدەردىڭ قالانى نەعۇرلىم الىستان اينالىپ ءوتۋىن قامتاماسىز ەتۋ كەرەك. نۇر-سۇلتان قالاسىنىڭ تاجىريبەسىندە قولدانىلعان ەڭ ءتيىمدى جول – وسى، - دەدى ق. احمەتوۆ.

ۋ

جيىن بارىسىندا ايماق باسشىسى بارلىق اۋداندا باقىلاۋ-وتكىزۋ بەكەتتەرىن قويۋدى قاراستىرۋ قاجەت ەكەنىن اتاپ ءوتتى.

كاسىپكەرلەر مەن وبلىس تۇرعىندارىن ۋاقىتشا ەنگىزىلگەن شەكتەۋ تارتىپتەرىن ساقتاۋعا بۇگىن تاعى دا ۇندەگەن ارحيمەد مۇحامبەتوۆ: - بۇعان تۇسىنىستىكپەن قاراۋدى سۇرايمىن. قابىلدانىپ جاتقان بارلىق شارالار ۆيرۋستىڭ تارالۋ اياسىن تارىلتۋ ء ۇشىن جاسالىپ جاتىر، - دەدى.

 

قوستاناي وبلىسى

سوڭعى جاڭالىقتار

ىستىق تاماق تاراتتى

قازاقستان • كەشە

ۇقساس جاڭالىقتار