ايماقتار • 26 ناۋرىز، 2020

تۇركىستان وبلىسىنا شەتەلدەن كەلگەن 51 ازاماتتان ۆيرۋس انىقتالمادى

125 رەتكورسەتىلدى

تۇركىستان وبلىسىنا ىرگەلەس شىمكەنت قالاسى جانە جامبىل وبلىسىندا ىندەت تىركەلىپ، ەپيدەميولوگيالىق جاعداي كۇردەلەنىپ وتىر. بۇل ورايدا وڭىردە ساقتىق شارالارى كۇشەيتىلگەن.

وبلىستىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسشىسى نۇربەك نىشانوۆ كوروناۆيرۋستىق ينفەكتسيا تىركەلگەن باسقا ەلدەردەن كەلگەن 51 ازامات كاتەگوريالار بويىنشا مەديتسينالىق باقىلاۋعا الىنعانىن ءمالىم ەتتى. تاراتا ايتقاندا، 1ا كاتەگورياسىمەن 18 ادام، (فرانتسيادان -1، يتاليا -2، يسپانيا -1، ينديا-10، ءباا-1، گەرمانيادان-3)، 1ب كاتەگورياسىمەن 33 ادام (و. كورەيا-24، نيدەرلاندى -2، ليتۆا -1، اقش-1، انگليا-1، ۋكراينا-1، پولشا -1، چەحيا -1) باقىلاۋعا الىنعان. بۇدان بولەك، ناۋقاستارمەن قارىم-قاتىناستا بولعان 8 ازامات انىقتالىپ، COVID-19-عا تەكسەرىلگەن. ءبىر قۋانارلىعى - زەرتتەۋ ناتيجەلەرى تەرىس بولىپ شىققان.

سونداي-اق الماتى مەن نۇر-سۇلتان قالالارىنان «جرۆي» كلينيكالىق بەلگىلەرىمەن كەلگەن 16 ازامات ستاتسيونارلارعا جاتقىزىلىپ، لابوراتوريالىق تەكسەرۋدەن وتكىزىلگەن. بۇگىنگە دەيىن ستاتسيونارلاردان شىعارىلعان ازاماتتار سانى 38-گە جەتىپ وتىر. وبلىستىق زەرتحانا كەرەكتى دياگنوستيكالاۋ تەست-جۇيەلەرمەن جانە ارنايى تاسىمالداۋ قۇرالدارىمەن قامتاماسىز ەتىلگەن. بۇگىنگى كۇنى وبلىستا تەست-جۇيەنىڭ 12 داناسى بار.

تۇركىستان وبلىسى

سوڭعى جاڭالىقتار

ىستىق تاماق تاراتتى

قازاقستان • كەشە

ۇقساس جاڭالىقتار