قوستاناي وبلىسىندا «ءبىز بىرگەمىز! Nur Otan اكتسياسى اياسىندا 4 مىڭعا جۋىق ادامعا الەۋمەتتىك قولداۋ كورسەتىلەدى

ايماقتار • 26 ناۋرىز، 2020

قوستاناي وبلىسىندا «ءبىز بىرگەمىز!»: Nur Otan اكتسياسى اياسىندا 4 مىڭعا جۋىق ادامعا الەۋمەتتىك قولداۋ كورسەتىلەدى

69 رەت كورسەتىلدى

جۇمىلا كوتەرگەن جۇك جەڭىل. شەكارا جابىق، شەكتەۋ كوپ. بۇگىنگىدەي سىندارلى كەزەڭدە الەۋمەتتىك قولداۋعا مۇقتاج جاندار قامقورلىقتان قاعاجۋ قالماۋى ءتيىس. وسى ماقساتتا ەلباسى نۇرسۇلتان نازارباەۆتىڭ تاپسىرماسىمەن «كەدەرگىسىز كەلەشەك»، «باقىتتى وتباسى» جانە «ارداگەرلەردى ارداقتايىق» پارتيالىق جوبالارى اياسىندا قولعا الىنعان بىرىڭعاي رەسپۋبليكالىق اكتسيا قوستانايلىقتار تاراپىنان كەڭ قولداۋعا يە بولدى. شارانىڭ ايماقتا جۇزەگە اسۋ بارىسى بۇگىن وبلىس اكىمدىگىندە وتكەن كەڭەيتىلگەن وتىرىستا تالقىلاندى.

نۇرقانات قۇلاباەۆ

ۇيىمداستىرۋشىلاردىڭ ايتۋىنشا، بۇگىنگە دەيىن اتالمىش اكتسيا اياسىندا الەۋمەتتىك قولداۋ كورسەتىلەتىن ادامدار انىقتالىپ، ولاردىڭ ءتىزىمى جاسالعان. باس-اياعى 3 541 ادام قامتىلعان بۇل تىزىمگە تۇرمىسى تومەن كوپ بالالى وتباسىلار، ەرەكشە قاجەتتىلىككە مۇقتاج ادامدار، ءىى دۇنيەجۇزىلىك سوعىس ارداگەرلەرى مەن جالعىزباستى قاريالار ەنىپ وتىر.

اكتسيا اياسىندا مۇقتاج ادامدارعا انتيسەپتيك، مەدماسكا جانە ءبىرىنشى كەزەكتە قاجەت ازىق-ت ۇلىك ونىمدەرى جەتكىزىلەدى. اتاپ ايتقاندا، تىزىمدە تىركەۋلى ءار ادام ىلعالدى جانە قاعاز مايلىقتار، انتيسەپتيكالىق زاتتار، سابىن، مەديتسينالىق ماسكا، ماكارون، قاراقۇمىق، كۇرىش، قانت جانە وسىمدىك مايىن الادى. ازىق-ت ۇلىك سەبەتىندە قارا شاي، تۇز، پەچەنە بار.

Nur Otan پارتياسى وبلىستىق فيليالى توراعاسىنىڭ ءبىرىنشى ورىنباسارى ەلدار كۇزەنباەۆتىڭ ايتۋىنشا، شارانى جۇزەگە اسىرۋ ءۇشىن پارتيا مۇشەلەرى مەن Jas Otan جاستار قاناتىنىڭ بەلسەندىلەرىنەن ەرىكتىلەردىڭ ءموبيلدى بريگادالارى ۇيىمداستىرىلعان. قازىر وبلىستا 250 ەرىكتى 20 بريگاداعا ءبولىنىپ جۇمىس ىستەۋدە. اكتسيانىڭ العاشقى كۇنى 443 وتباسى كومەككە يە بولدى.

جيىن سوڭىندا وبلىس اكىمى ا.مۇحامبەتوۆ اكتسيا اياسىندا اتقارىلىپ جاتقان ىزگى شارالاردى جانداندىرا ءتۇسۋدى تاپسىردى.

قوستاناي

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز