ايماقتار • 26 ناۋرىز، 2020

مامانداردىڭ ەسەلى ەڭبەگىن باعالايىق – باقىتجان ساعىنتاەۆ

32 رەتكورسەتىلدى

توتەنشە جاعداي كەزىندە ەل قاۋىپسىزدىگىن قاداعالاپ، تاڭنان كەشكە دەيىن جۇمىستا جۇرگەن كۇشتىك قۇرىلىم وكىلدەرى مەن حالىق دەنساۋلىعى جولىندا جۇمىلعان اق حالاتتى ابزال جانداردىڭ ەڭبەگى ەرەن. الماتى قالاسىنىڭ اكىمى باقىتجان ساعىنتاەۆ  قازىرگى ۋاقىتتا ءدال وسى ماماندىق يەلەرىنىڭ ەڭبەگىن باعالاۋ كەرەكتىگىن  ءوزىنىڭ Instagram پاراقشاسىندا ايرىقشا اتاپ ءوتتى.

«وسىنداي قيىن شاقتا ءبىزدىڭ، ەلدىڭ اماندىعى ءۇشىن ءتۇن ۇيقىسىن ءتورت ءبولىپ، وتباسىنان جىراقتا ءجۇرىپ، دەمالىسسىز، جانقيارلىقپەن كۇرەسىپ جۇرگەن جاندار تۋرالى ويلانىپ كوردىك پە؟ بالكىم، بازبىرەۋلەر ايتار، بۇل پوليتسيا وكىلدەرىنىڭ، اسكەريلەردىڭ جانە دارىگەرلەردىڭ پارىزى دەپ. بىراق ولار ءۇن-ءتۇنسىز جاساپ جاتقان سول ەڭبەكتەرىنىڭ وتەۋىن بىزدەن سۇراپ، مىندەتسىنىپ جاتقان جوق. قاراپايىم تۇرعىندار ولارعا قالاي كومەكتەسە الادى؟ اياۋشىلىق قاجەت ەمەس. تەك قانا ارقايسىمىز ورىن العان جاعدايعا تۇسىنىستىك تانىتىپ، ءوز جاۋاپكەرشىلىگىمىزدى كۇشەيتىپ، سانالى تۇردە قولداۋ كورسەتىپ وتىرايىق. قابىلدانعان كارانتيندىك شارالاردىڭ تيىمدىلىگى دە وسىندا. بۇل ماڭگى ەمەس. سوندىقتان ءبارىڭىزدى سابىرلى بولۋعا، ال الدىڭعى قاتاردا ەڭبەك ەتىپ جۇرگەندەرگە شىدامدىلىق پەن كۇش-جىگەر تىلەپ قويايىق» - دەپ جازدى قالا اكىمى باقىتجان ساعىنتاەۆ.

سوڭعى جاڭالىقتار

پاندەميا: ساقتانساڭ ساۋ بولارسىڭ

ايماقتار • بۇگىن، 20:08

ەرىكتىلەر بالالاردى قۇتتىقتادى

ايماقتار • بۇگىن، 16:47

ازيادا COVID-19-دان ءولىم نەگە از؟

كوروناۆيرۋس • بۇگىن، 16:07

ۇقساس جاڭالىقتار