ايماقتار • 26 ناۋرىز، 2020

قوستاناي وبلىسى: كەرەك قۇجاتتى ۇيدە وتىرىپ-اق رەسىمدەۋگە بولادى 

31 رەتكورسەتىلدى

قوستاناي وبلىسىندا حالىققا قىزمەت كورسەتۋ ورتالىقتارى مەن كوشى-قون قىزمەتى تەك قانا ەلەكتروندىق ۇكىمەت پورتالى ارقىلى قىزمەت كورسەتۋگە كوشتى.

وسىعان وراي، كوشى-قون قىزمەتىنىڭ باستىعى قايرات دۇتپاەۆ تۇرعىندارعا قانداي قىزمەت تۇرلەرىن قاشىقتان الۋعا بولاتىنىن ءتۇسىندىردى. ونىڭ ايتۋىنشا، قازىر ە-GOV ارقىلى كەز كەلگەن ازاماتتىڭ وزىنە قاجەتتى قۇجاتتاردى ۇيىندە وتىرىپ-اق رەسىمدەۋىنە مۇمكىندىك بار. ماسەلەن، تۇرعىندار پورتال ارقىلى مەكەنجايعا تىركەلىپ، ودان قايتا شىعا الادى. تۇرعىلىقتى مەكەنجاي تۋرالى انىقتامانى دا وڭاي الۋعا بولادى. وبلىس اۋماعىندا ۋاقىتشا تۇرۋعا كەلگەن شەتەلدىكتەرگە سايكەستەندىرۋ ءنومىرىن الۋ ءۇشىن دە مۇمكىندىك قاراستىرىلعان.

كوشى-قون قىزمەتىنىڭ باستىعى، سونىمەن قاتار، كەيبىر قىزمەتتەردى ۇسىنۋ ۋاقىتشا توقتاتىلعانىن ايتتى.

ۋاقىتشا توقتاتىلعان قىزمەت تۇرلەرى:

قىزمەت ءتۇرى

1

قازاقستان رەسپۋبليكاسى ازاماتتارىنا پاسپورت، جەكە كۋالىك بەرۋ. سونداي-اق، ازاماتتىعى جوق ادامدارعا بەرىلەتىن كۋالىكتەر مەن وبلىستا تۇراقتى تۇراتىن شەتەلدىكتەرگە ىقتيار حات بەرۋ;  

 

2

قازاقستان رەسپۋبليكاسىنىڭ ۆيزالارىن بەرۋ بويىنشا قابىلداۋشى تۇلعالاردىڭ شاقىرۋ حاتتارىن قابىلداۋ جانە وعان كەلىسىم بەرۋ;

 

3

شەتەلدىكتەر مەن ازاماتتىعى جوق ادامدارعا قازاقستان رەسپۋبليكاسىندا تۇراقتى تۇرۋعا رۇقسات بەرۋ;

 

4

ەڭبەك كوشى-قونىنا قاتىسۋشىلارعا رۇقسات بەرۋ;

 

5

شەتەلدىكتەرگە جانە ازاماتتىعى جوق ادامدارعا وبلىس اۋماعىنان كەتۋگە جانە كەلۋگە ۆيزا بەرۋ، ونى قالپىنا كەلتىرۋ نەمەسە مەرزىمىن ۇزارتۋ.

 

قايرات دۇتپاەۆ كوشى-قونعا قاتىستى شەكتەۋ شارالارى تۋرالى تولىق مالىمەت العىسى كەلگەن تۇرعىندارعا 52-63-91 نەمەسە 52-62-55 ءنومىرلى تەلەفوندارعا حابارلاسۋ كەرەكتىگىن ايتتى.

 

قوستاناي وبلىسى

سوڭعى جاڭالىقتار

ۇقساس جاڭالىقتار