ايماقتار • 26 ناۋرىز، 2020

جامبىل وبلىسىندا 63 مىڭ توننا ازىق-ت ۇلىك قورى بار

15 رەتكورسەتىلدى

بۇگىندە جامبىل وبلىسىندا 63 مىڭ توننا ازىق-ت ۇلىك قورى بار. وبلىستىق اكىمدىكتىڭ مالىمەتىنشە، وڭىردە ازىق-ت ۇلىك نارىعىنداعى باعا باعامى تۇراقتى. قويمالارداعى ازىق-ت ۇلىك قورى ءوڭىردىڭ اي سايىنعى قاجەتتىلىگىن 137،5 پايىزعا قامتاماسىز ەتۋگە مۇمكىندىك بەرەدى.

اتاپ ايتساق، قويمالاردا ساقتالعان ەت جانە ءسۇت ونىمدەرى وبلىستىڭ قاجەتتىلىگىن 39 كۇنگە، كوكونىس 33 كۇنگە، كۇرىش جانە قاراقۇمىق 25 كۇنگە، ۇن  78 كۇنگە، ماكارون 28 كۇنگە، قانت 50 كۇنگە، وسىمدىك مايى 38 كۇنگە جانە باسقا دا تاۋارلار قورى ءبىر ايدان استام ۋاقىت بويى وتەۋگە جەتكىلىكتى. سول سياقتى كۇن سايىن وندىرىلەتىن ەت، ءسۇت، نان كولەمى قايتا ارتا تۇسكەن.

دەگەنمەن، ماۋسىمارالىق كەزەڭگە بايلانىستى كارتوپ، قىرىققابات جانە قانت باعالارىنىڭ كوتەرىلۋى بايقالادى. جەرگىلىكتى ءوندىرىس ورىندارى ءوڭىردىڭ ۇنعا دەگەن ىشكى قاجەتتىلىكتەرىن 71 پايىزعا، ماكارون  بويىنشا 68 پايىزعا، جۇمىرتقاعا دەگەن سۇرانىستى 84 پايىزعا قاناعاتتاندىرا الادى. سۇرانىس ارتقان جاعدايدا وبلىس اۋماعىنداعى ءۇش جاڭا قۇس فابريكاسى مەن ءۇش ماكارون فابريكاسىنىڭ ءوندىرىس كولەمىن ارتتىرۋعا مۇمكىندىك بار ەكەن.

بۇگىندە وڭىردە سىيىمدىلىعى 313،2 مىڭ توننا بولاتىن 218 كوكونىس ساقتاۋ قويماسى جۇمىس ىستەيدى. ونىڭ ىشىندە 160 كوكونىس ساقتاۋ قويماسى ارنايى توڭازىتقىشتارمەن جابدىقتالعان. 

 

جامبىل وبلىسى

سوڭعى جاڭالىقتار

ىستىق تاماق تاراتتى

قازاقستان • كەشە

ۇقساس جاڭالىقتار