ايماقتار • 26 ناۋرىز، 2020

كارانتين كەزىندە شىمكەنتتە حقكو جۇمىسى ۋاقىتشا توقتاتىلدى

47 رەتكورسەتىلدى

كارانتين بارىسىندا شىمكەنتتە حالىققا قىزمەت كورسەتۋ ورتالىقتارىنىڭ جۇمىسى ۋاقىتشا توقتاتىلدى.

ەندى شىمكەنتتىكتەر مەملەكەتتىك قىزمەتتەردى تەك ونلاين الا الادى. كوروناۆيرۋس ينفەكتسياسىنىڭ تارالۋىن بولدىرماۋ جانە وقشاۋلاۋ شارالارىن كۇشەيتۋ ماقساتىندا كارانتين بارىسىندا ەلىمىزدەگى حالىققا قىزمەت كورسەتۋ ورتالىقتارىنىڭ جۇمىسى ۋاقىتشا توقتاتىلدى. بۇل تۋرالى مەملەكەت باسشىسى قاسىم-جومارت توقاەۆ قازاقستانداعى توتەنشە جاعداي جونىندەگى مەملەكەتتىك كوميسسيانىڭ وتىرىسىندا مالىمدەدى.

قازاقستاندىقتارعا بۇگىنگى تاڭدا مەملەكەتتىك قىزمەتتەردىڭ 80%-ى ەلەكتروندى ۇكىمەت پورتالى ارقىلى قولجەتىمدى، سونداي-اق قاجەتتى انىقتامالاردى eGov Mobile ءموبيلدى قوسىمشاسى جانە تەلەگرامداعى egovkzbot2.0 بوتى ارقىلى الۋعا بولادى.

حقو-نىڭ ەڭ تاجىريبەلى دەگەن جانە ارنايى وقۋدان وتكەن 1800-دەن استام قىزمەتكەرى 1414 بايلانىس ورتالىعىنىڭ كەڭەس بەرۋشىلەرىمەن بىرگە ازاماتتارعا مەملەكەتتىك قىزمەتتەردى ونلاين تۇردە الۋ بويىنشا كومەك كورسەتەدى. ءبىر ۋاقىتتا بايلانىس ورتالىعىنىڭ ماماندارى مىڭنان استام ازاماتقا كەڭەس بەرە الادى دەپ جوسپارلانۋدا. بايلانىس ورتالىقتارى دۇيسەنبىدەن سەنبىگە دەيىن تاڭعى 9.00-دەن كەشكى 20.00-گە دەيىن جۇمىس ىستەيدى. قوڭىراۋ شالۋ تەگىن.

بۇدان بولەك، ازاماتتارعا ارنالعان ۇكىمەتتىڭ 200-دەن استام قىزمەتكەرى بەينەقوڭىراۋ ارقىلى قىزمەت الۋشىلاردى ءموبيلدى ازاماتتار بازاسىندا تىركەيتىن بولادى. بۇل رەتتە 21 ناۋرىزعا دەيىن ءوتىنىش بەرىپ ۇلگەرگەن ازاماتتار قىزمەتتەردىڭ دايىن ناتيجەسىن ءوزى ءوتىنىش بەرگەن حقو-نىڭ قۇجات بەرۋ سەكتورىنان الىپ كەتە الادى.

ءاۆتوموبيلدى قايتا تىركەگەن نەمەسە جۇرگىزۋشى كۋالىگىن ونلاين تۇردە اۋىستىرعان كولىك يەلەرى دايىن قۇجاتتار مەن نومىرلەردى ءوز قالالارىنداعى مامانداندىرىلعان حقو-دان الا الادى، وندا دا دايىن قۇجاتتاردى بەرۋ تەرەزەسى جۇمىس ىستەيتىن بولادى.

دايىن قۇجاتتاردى بەرۋ تەرەزەلەرىنىڭ جۇمىس ءتارتىبى: دۇيسەنبى-جۇما 9.00-دەن 17.00-گە دەيىن، سەنبى ساعات 9.00-دەن 14.00-گە دەيىن. ازاماتتارعا ارنالعان ۇكىمەت شىمكەنت قالاسى بويىنشا فيليالى تۇرعىنداردى بارلىق سانيتارلىق تالاپتاردى ورىنداپ، ۇيدەن شىقپاۋعا كەڭەس بەرەدى جانە كەرەكتى مەملەكەتتىك قىزمەتتەردى ونلاين الۋعا شاقىرادى.

 

شىمكەنت 

سوڭعى جاڭالىقتار

ىستىق تاماق تاراتتى

قازاقستان • كەشە

ۇقساس جاڭالىقتار