دەزينفەكتسيالىق ەرىتىندىسى بار جەكە گازسىزداندىرۋ جيىنتىعىمەن جابدىقتالعان اسكەري قىزمەتشىلەر جانە اۆتوموبيل قۇيۋ ستانتسيالارىنىڭ لەگى جول بويىمەن تۋرا قوزعالىپ, قالانىڭ بىرنەشە ءىرى كوشەلەرىن وڭدەدى.
ايتا كەتۋ كەرەك, دەزينفەكتسيالاۋ جونىندەگى ءىس-شارالار كوروناۆيرۋس ينفەكتسياسىنىڭ تارالۋىن بولدىرماۋ جونىندەگى جەدەل شتابپەن ءوزارا ءىس-قيمىل بويىنشا ۇيىمداستىرىلادى, ارنايى وڭدەۋگە ارنالعان اۋماقتاردى جەرگىلىكتى اتقارۋشى ورگاندارى انىقتايدى. جەكە قۇرام مەن اسكەري تەحنيكانى جۇمىس بارىسىندا اسكەري پوليتسيا الىپ جۇرەدى.
بۇگىنگى كۇنگە دەيىن نۇر-سۇلتان جانە الماتى قالالارىندا دەزينفەكتسيا جۇرگىزىلدى. وندا جۇقتىرۋ قاۋپى بار 80-نەن استام نىسان وڭدەلدى.
سونىمەن قاتار پرەزيدەنتتىڭ 2020 جىلعى 23 ناۋرىزدا توتەنشە جاعداي رەجيمىن قامتاماسىز ەتۋ جونىندەگى مەملەكەتتىك كوميسسيانىڭ وتىرىسىندا قازاقستان رەسپۋبليكاسى قارۋلى كۇشتەرىن كوشەلەردى دەزينفەكتسيالاۋعا تارتۋ جونىندەگى تاپسىرماسىنا سايكەس ءىرى ەلدى مەكەندەردە وسىنداي جۇمىستار ۇيىمداستىرىلعان. اتاپ ايتقاندا, اسكەري قىزمەتشىلەر ءتيىستى جەرگىلىكتى اتقارۋشى ورگانداردىڭ جوسپارلارى بويىنشا شىمكەنت, اقتاۋ, اقتوبە, اتىراۋ, قاراعاندى, قىزىلوردا, تاراز جانە باسقا قالالاردا ارنايى وڭدەۋگە كىرىستى. وسى ماقساتتار ءۇشىن قورعانىس مينيسترلىگى بيولوگيالىق قورعاۋ بولىمشەلەرىنىڭ سانىن ۇلعايتادى.
