قوعام • 26 ناۋرىز، 2020

جاستار قايىرىمدىلىق شاراسىنا جۇمىلدى

85 رەتكورسەتىلدى

ەلىمىزدە ىندەتكە قاتىستى توتەنشە جاعداي ەنگىزىلگەلى ۆولونتەرلەر ءبىر جەڭنەن قول شىعارىپ، جۇمىلا جۇمىس اتقارا باستادى. جاستار كارانتين كەزىندە قارتتارعا ازىق-ت ۇلىك، ءدارى-دارمەك جەتكىزىپ بەرىپ، ايماق تىنىشتىعىن باقىلاۋعا الدى.

نۇر-سۇلتان قالاسى جاستار ساياساتى ماسەلەلەرى باسقارماسىنىڭ ۆولونتەرلەر شتابى كوروناۆيرۋس ينفەكتسياسىنىڭ الدىن الۋ جانە اسا قاجەتتى تاۋارلارمەن قامتاماسىز ەتۋ ءۇشىن الەۋمەتتىك جاعدايى تومەن وتباسىلارعا  مەديتسينالىق ماسكا، انتيسەپتيك قۇرالدارى جانە ازىق-ت ۇلىك پاكەتتەرىن ۇزدىكسىز تاراتۋ جۇمىستارىن جۇرگىزىپ جاتىر.

نۇر-سۇلتان قالاسى اكىمدىگىنىڭ مالى­مەتىنە سايكەس، 19 ناۋرىزدان باستاپ بۇگىن­گە دەيىن 1330-دان استام وتباسىنا كو­مەك كور­سەتىلدى. كارانتين رەجىمى كەزىندە بۇل مەجەنى 5000 وتباسىنا جەتكىزۋ جوسپار­لانعان.

ال الماتى قالاسىنداعى قىزىل جار­تى اي قوعامىنىڭ ۆولون­تەرلەرى «جاقسىلىق جاسا» اكتسياسى اياسىن باس­تادى. شارا اياسىندا جاستار كارانتين كە­زىندە ۇيىنەن شىعا الماي وتىرعان ەگدە جاس­تاعى ادامداردى ازىق-ت ۇلىكپەن قامتاماسىز ەتەدى.

قاراعاندى وبلىسى اكىمدىگى، «Saryarqa jastary» وبلىستىق ۆولونتەرلەر شتابى «BIZ BIRGEMIZ» الەۋمەتتىك كومەك كورسەتۋ اكتسياسىن باستادى. ال جەزقازعان قالاسىنىڭ جاستار رەسۋرستىق ورتالىعىنا قاراستى «جىلى جۇرەك» ۆولونتەرلەر ۇيىمى قالا كوشە­لەرىندە ىندەتتىڭ الدىن الۋ شارالارىنا جۇمىلدى.

 «جىلى جۇرەك» ۆولونتەرلەر ۇيىمى جەزقازعان قالاسىنىڭ ورتالىق كوشەلەرىندە حالىققا تەگىن ماسكا تاراتتى. ولار ماسكا ءۇشىن ارنايى ماتا ساتىپ الىپ، قورعانىش قۇرالىن وزدەرى تىككەن. جەزقازعاندىق ۆولونتەر مارعۇلان كالي ەكى كۇننىڭ ىشىندە جاستار 600 ماسكا ۇلەستىرگەنىن مالىمدەدى. «كۇنىنە 300 بەتپەردە تىگۋ جوسپاردا بار. بۇل اكتسيا بۇدان ءارى دە جالعاسىن تابادى. تەك قالانىڭ ورتالىق كوشەلەرىمەن شەكتەلمەي، ۆوكزال سەكىلدى ادام كوپ شوعىرلاناتىن ورىندارعا دا بارۋدى ويلاپ ءجۇرمىز»، دەيدى م.ءۋالي.

ساقتىق شارالارىنان بولەك قاراعان­دىلىق جاستار وبلىستاعى 300-گە جۋىق از قامتىلعان وتباسىلار مەن قاريالاردىڭ ۇيلە­رىنە تۇرمىسقا قاجەتتى قۇرالدار مەن انتيسەپ­تيكتەر جەتكىزىپ بەردى. ايماق تۇرعىن­دارىنا الەمدى دۇرلىكتىرگەن ىندەت تۋرالى اقپارات بەرىپ، ۆيرۋستان قورعانۋ جول­دارىن ءتۇسىندىرىپ، ناسيحات جۇرگىزىپ ءجۇر.

«ۆولونتەرلەر پاندەميا كەزىندە قولدان كەلگەنشە كومەك كورسەتۋگە ءازىر. اكتسيانىڭ وتۋىنە ۇلەس قوسىپ، قارتتار مەن كوپ بالالى وت­باسىلاردى ازىق-ت ۇلىكپەن قامتاماسىز ەتۋ­گە اتسالىسقان قاراعاندى وبلىسىنىڭ كاسىپ­كەر­لەرىنە دە العىسىمىزدى بىلدىرگىمىز كەلەدى. ولار شارانىڭ العاشقى كۇنىندە-اق 50 قاپ ازىق-ت ۇلىك ۇسىندى. بۇل يگى ءىس ءالى دە جالعا­سا­تىنىنا سەنەمىز»، دەدى ۇيىمداس­تى­رۋشى­لار.

كارانتين كەزىندە قارتتار مەن كوپ بالالى وتباسىلاردى قولداۋ ماقساتىندا «Saryarqa Jastary» وبلىستىق ۆولونتەرلەر شتابى جانە «تامشى KZ» قايىرىمدىلىق قورىنىڭ باس­تاماسىمەن جاستار قاريالاردىڭ ۇيىنەن شىقپاۋى ءۇشىن باسقا دا قاجەتتىلىكتەرىنە كومەكتەسىپ ءجۇر. بۇل شارانى وبلىستىڭ باسقا اۋداندارىنداعى جاستار دا قولداپ، كومەگىن كورسەتتى. ماسەلەن، قارقارالى اۋدانىنىڭ  JasStar ۆولونتەرلىك جەلىسىنىڭ ۆولونتەرلەرى 2 وتباسىنا ازىق-ت ۇلىك تاسىپ، قولعابىس كورسەتتى. «الەمدىك پاندەميا كەزىندە ءبىر-بىرىمىزگە جاناشىرلىق تانىتۋ، قامقور بولۋ، بىرلىگىمىزدى ساقتاۋ – ءاربىر ازاماتتىڭ پارىزى دەپ بىلەمىز!»، دەيدى ۆولونتەرلەر.

ازىق-ت ۇلىكپەن قامتاماسىز ەتۋ، ساقتىق شارالارىن تۇسىندىرۋمەن قاتار حالىقتىڭ قاۋىپسىزدىگىن دە ەستەن شىعارماعان جاستار قوعامدىق ءتارتىپ پەن قاۋىپسىزدىكتى باقىلاۋعا الدى. الماتى شاھارىنداعى پوليتسەيلەرگە قوعامدىق ءتارتىپتى قامتاماسىز ەتۋگە كومەكتەسۋ ءۇشىن، 500-گە جۋىق ۆولونتەر جۇ­مىل­دىرىلدى. ۆولونتەرلەر ءتارتىپ ساقشى­لارىمەن بىرگە كوشە ارالاپ، تۇرعىندارعا ءتۇسىندىرۋ جۇمىستارىن جۇرگىزۋدە. كوشەگە شىققان جۇرتقا كارانتين تالاپتارى مەن ۆيرۋستىڭ قاۋىپتى ەكەنىن ءتۇسىندىرىپ، دۇكەن، دارىحانالارداعى احۋالدى باقىلاۋعا الدى.

ال قاراعاندىلىق جاستار توتەنشە جاعدايلار كوميتەتىمەن بىرلەسكەن رەيدكە شىقتى. ۆولونتەرلەر تۇرعىن ءۇي سەكتورىندا ۋلى گازبەن ۋلانۋدىڭ الدىن الۋ ماقساتىندا ۇيلەردى ارالاپ، گاز قۇبىرلارىنىڭ جۇمىسىن باقىلادى. ولار ۋلى گاز داتچيكتەرى ارقىلى گازدان ۋلانۋدىڭ الدىن الۋعا بولاتىنىن ءتۇسىندىردى. ۇيدە ۋلى گاز مولشەردەن اسسا، داتچيكتەر بەلگى بەرىپ، ادام ومىرىنە قاۋىپتى الدىن الا ەسكەرتەتىنىن ايتتى.

سوڭعى جاڭالىقتار

ەلتاڭبا تاريحى تالقىلاندى

رۋحانيات • بۇگىن، 14:54

مارقاكولدە كۇزەت كۇشەيتىلدى

ايماقتار • بۇگىن، 10:41

پورترەت (ۇشتاعان)

ادەبيەت • بۇگىن، 08:51

ءار ادام – جەردىڭ تۇتىنۋشىسى

ەكولوگيا • بۇگىن، 08:48

وسىنداي ەلىم بار!

پىكىر • بۇگىن، 08:42

ءار ەلدىڭ ءوز دامۋ جولى بولادى

ساياسات • بۇگىن، 08:40

بايلامى بەكەم ءباتۋالى ءسوز

ساياسات • بۇگىن، 08:37

كەي وڭىردە ۆيرۋس ءورشي ءتۇستى

كوروناۆيرۋس • بۇگىن، 08:24

ۇقساس جاڭالىقتار