ايماقتار • 26 ناۋرىز، 2020

پاۆلودار وبلىسى: «مەرۋسار» جانە ك» جشس بەتپەردەلەر تىگۋدە

56 رەتكورسەتىلدى

كومپانيا وبلىس ورتالىعىندا 2011 جىلدان باستاپ ەلىمىزدىڭ ىشكى نارىعىنا ءبىر رەتتى پايدالاناتىن  مەديتسينالىق حيرۋرگيالىق، اكۋشەرلىك كيىمدەر جيىنتىعى، اۋرۋحانا توسەك جابدىقتارى، جاڭا تۋعان نارەستەلەرگە ارنالعان بۇكتەمە جيىنتىق،  مەديتسينالىق بەتپەردە، تەلپەك، كەلۋشىلەرگە اياق كيىمگە ارنالعان مەديتسينالىق باحيلالار،ءبىر رەتتى جايالىقتار، ءسپيرتتى مايلىقتار شىعارا باستاعان.

ال 2018 جىلى فارماتسەۆتيكالىق سالا بويىنشا ەلىمىزدەگى  ماڭىزدى جوبالار قاتارىندا  "مەرۋسار جانە ك" جشس-نا  مينيسترلىك تاراپىنان يسو 13485-2003 حالىقارالىق ستاندارتىنا سايكەس ونىمدەر شىعارۋدى كوبەيتۋ ارقىلى ءوندىرىستى كەڭەيتۋ تاپسىرىلادى.

- ءبىز بەتپەردەنى شىعىس قازاقستان  وبلىسى، كۋرچاتوۆ قالاسىنداعى كاسىپورىندا دايىنداپ كەلدىك. وتكەن جىلدىڭ سوڭىندا  وسىنداعى «يادرولىق تەحنولوگيالار پاركىنىڭ» ىشىندە ورنالاسقان  اۆتوماتتى تۇردە جۇمىس جاسايتىن نەگىزگى قوندىرعى ىستەن شىعىپ قالدى.   سوندىقتان، قازىر ازىرگە  تىگىن ماشينكەلەرىندە قولمەن تىگۋدەمىز، - دەيدى كومپانيا باسشىسى مارات ماحانوۆ.

ءوندىرىس اۋقىمى كەڭەيگەن كومپانيانىڭ 2010 جىلى كۋرچاتوۆ قالاسىنداعى «يادرولىق تەحنولوگيالار پاركى» اق-دا  فيليالى اشىلادى. پاۆلودارداعى كاسىپورىن وندىرەتىن ءونىمنىڭ ءبىراز بولىگى وسىندا جاسالادى.

ءبىر تاۋلىكتە ەتيلەنوكسيدتىڭ كومەگىمەن گاز بوكستارىندا مىندەتتى تۇردە ستەريليزاتسيالاۋدان وتەتىن 5 مىڭ بەتپەردە دايىندالادى.

سودان كەيىن وبلىس ورتالىعىنداعى اۋرۋحانالار، ەمحانالارعا، دارىحانالارعا تۇسەدى. بەتپەردەلەر جاسايتىن شيكىزات ونىمدەرى رەسەيدەن جەتكىزىلەدى.  ماتالاردىڭ تىعىزدىعى 15، 26، 20 بولىپ بولىنەدى دە،  3 قاباتتى  دا بەتپەردەلەر  دايىندالۋدا.

ءبىر تىگىنشى كۇنىنە شامامەن 500-1000 بەتپەردە تىگەدى. تىگىنشىلەردىڭ ايتۋىنشا، ءبىر بەتپەردە تىگۋگە  2-3 مينۋتتاي ۋاقىت كەتەدى ەكەن. ەكى اۋىسىممەن جۇمىس ىستەپ، كولەمى 175*19 ستاندارتتى بەتپەردەلەر جاساپ شىعارۋدا. بەتپەردەنىڭ  ساتىلىم باعاسى 65 تەڭگە.

- نەگىزگى قوندىرعىمىز ىسكە قوسىلعانشا ءبىراز كۇتە تۇرۋعا تۋرا كەلەر. سوندىقتان وسىنداي  ۋاقىتتا ەگەر وزگە جەرگىلىكتى  كاسىپكەرلەر دە بەتپەردە تىگۋمەن اينالىسقىلارى كەلسە، بولىسە دە الامىز. قازىر «نەفتەحيم LTD» جشس بەتپەردە تىگۋ ءۇشىن  ماتانى بىزدەن الدى. قاجەتتى شيكىزات قورى جەتكىلىكتى، - دەيدى مارات ماحانوۆ.

كاسىپورىن 2011 جىلى اشىلعان كۇننەن باستاپ قالىپتاسىپ، دامىپ، مەديتسينالىق ماقساتتا كيىم شىعاراتىن  مەملەكەتتىك باعدارلامالارعا قاتىسادى. 

ەلىمىز وتاندىق تاۋار وندىرۋشىلەرىنە قولداۋ كورسەتۋ جانە ولاردىڭ دامۋىنا جان-جاقتى جاعداي جاساۋدى قولعا الۋدا.  

2018 جىلعا دەيىن وتاندىق تاۋار ءوندىرۋشى  توقىماعا جاتپايتىن، قۇرامىندا جاساندى جىبەك پەن ماقتا بولمايتىن ماتەريالداردان مەديتسينا مەن كوسمەتولوگياعا ارنالعان زالالسىزداندىرىلعان جانە زالالسىزداندىرىلماعان جيىنتىقتار تۇرلەرىن شىعارىپ كەلدى.

ءسويتىپ، كاسىپورىندا جاڭا قۇرىلعىلار كەشەنىنىڭ ارقاسىندا ونىمدىلىك بىرنەشە رەت ءوستى. اۆتوماتتى جەلى قۇرىلعىسى 1  مىڭ شارشى مەتر  ماتا ماتەريالدارىن دالمە-ءدال كەسىپ بەرەدى. جابدىقتاردى جاڭعىرتۋ باعدارلاماسى زاۋىتتا كەزەڭ-كەزەڭمەن جۇزەگە اسىرىلۋدا.

- قازىر بارلىق مەديتسينالىق مەكەمەلەر ءبىر رەتتىك پايدالانۋعا ارنالعان بۇيىمدار جاسايدى. ءبىزدىڭ كومپانيادا ءوندىرىس 15-20 پايىزى اۆتوماتتاندىرىلعان. الداعى ۋاقىتتا اۆتوماتتى جەلىلەردى ىسكە قوسۋدى جوسپارلاپ وتىرمىز. بالالار كيىمىن شىعارىپ، بالالار كيىمىنە ارنالعان دۇكەن دە اشقىمىز كەلەدى، - دەيدى مارات ماحانوۆ.

كاسىپورىننىڭ ونىمدەرىنە تاپسىرىس بەرۋشىلەردىڭ قاتارىندا نۇرسۇلتانداعى ورتالىق كلينيكالىق اۋرۋحانا، پەدياتريا عىلىمي ورتالىعى، «رەسپۋبليكالىق دياگنوستيكالىق ورتالىعى» اق،  نەيروحيرۋرگيا ورتالىعى سياقتى ورتالىقتار بار.

جۋىردا وبلىستىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى وڭىردەگى ءجىتى رەسپيراتورلىق ۆيرۋستىق ينفەكتسيا مەن تۇماۋدىڭ الدىن الۋ ماقساتىندا ءتورت جاقتى كەلىسىمشارتقا قول قويىلدى.

بۇل رەتتە ءدارى مەن مەديتسينالىق بەتپەردە باعاسىنىڭ وسۋىنە جول بەرمەۋ ماقساتىندا وبلىس اكىمدىگى، وبلىستىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى، وبلىستىق دەنساۋلىق ساقتاۋ باسقارماسى جانە وبلىستىق «قازمەدفارم» فارماتسەۆتەر مەن دارىگەرلەر قاۋىمداستىعى اراسىندا مەموراندۋم جاسالدى.

 

پاۆلودار وبلىسى

سۋرەتتى تۇسىرگەن: قۋاندىق تاناباس

 

 

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ەكى قىلمىستىق توپ ۇستالدى

ايماقتار • 05 ماۋسىم، 2020

ۇقساس جاڭالىقتار