پرەزيدەنت • 25 ناۋرىز، 2020

مەملەكەت باسشىسى ەلدەگى ەپيدەميالىق جاعداي باقىلاۋدا ەكەنىن ايتتى

36 رەتكورسەتىلدى

جالپى، ەلدەگى ەپيدەميالىق جاعداي باقىلاۋدا. ءبارىمىز بىرگە جۇمىلا كۇرەسسەك، ىندەتتى جەڭەمىز. مەملەكەت باسشىسى قاسىم-جومارت توقاەۆ تۆيتتەردەگى پاراقشاسىندا وسىلاي دەپ جازدى.

«كوروناۆيرۋسقا شالدىققان ەكى ازاماتىمىز ەمدەلىپ، ەرتەڭ اۋرۋحانادان شىعادى. جالپى، ەلدەگى ەپيدەميالىق جاعداي باقىلاۋدا. ءبارىمىز بىرگە جۇمىلا كۇرەسسەك، ىندەتتى جەڭەمىز. ەڭ باستىسى – ۋايىمداماي، دارىگەرلەردىڭ تالاپتارىن ورىنداۋ» دەپ جازدى مەملەكەت باسشىسى Twitter-دەگى پاراقشاسىندا.

سونداي-اق پرەزيدەنت كوروناۆيرۋس ينفەكتسياسىمەن كۇرەسىپ جاتقان قىزمەتكەرلەرگە العىس ءبىلدىردى.

«حالىقتىڭ دەنساۋلىعى ءۇشىن ايانباي ەڭبەك ەتىپ جاتقان دارىگەرلەرگە، پوليتسيا قىزمەتكەرلەرى مەن اسكەري قىزمەتشىلەرگە ريزاشىلىعىمدى بىلدىرەمىن. #Birgemiz!» دەدى پرەزيدەنت.

ەسكە سالا كەتسەك، قازاقستاندا ەكى ەمدەلۋشى كوروناۆيرۋستان جازىلعان ەدى.

 

سوڭعى جاڭالىقتار

ۇقساس جاڭالىقتار