قوعام • 25 ناۋرىز، 2020

اۋرۋدان ايىعۋعا اراق كومەكتەسپەيدى

256 رەت كورسەتىلدى

كوروناۆيرۋستىق جۇقپا ورشىگەلى حالىقتىڭ اراسىندا اۋرۋدى ەمدەۋدىڭ نەبىر تاسىلدەرىن ۇسىنعان «اقىل-كەڭەستەر»  كوبەيىپ كەتتى. كەيبىرەۋلەر اششى سۋدىڭ دا اۋرۋدى باسۋعا اسەرى بار دەپ اعات ويلاپ ءجۇر. دارىگەرلەردىڭ ايتۋىنشا، اراق، كەرىسىنشە، اعزانى ودان ءارى ۋلاپ، دەرتتەن ايىعۋعا كەدەرگى كەلتىرەدى.

الەۋمەتتىك جەلىدە تارالعان جالعان اقپاراتتار تالاي ادامنىڭ تۇبىنە جەتتى. كوپتەگەن اۋديو، بەينەجازبالاردا سپيرتتىك ىشىمدىكتەر ۆيرۋستىڭ الدىن الاتىنى ايتىلىپ ءجۇر. بۇعان سەنگەن كەيبىر اڭعال تۇرعىندار كوپ مولشەرلى سپيرتتىك ىشىمدىكتەردەن ۋلانعان جايى بار. مىسالى، بۇگىنگە دەيىن يراندا «اۋرۋ جولامايدى» دەگەن ۇمىتپەن سپيرتتىك ىشىمدىكتەر تۇتىنعان 200-دەي ادام ۋلانىپ، قايتىس بولعان. ءوزىن-ءوزى ەمدەۋدىڭ قۇربانى بولعانداردىڭ ءبىرى ­­­- كىشكەنتاي بالا. اتا-انالارى ءسپيرتتى وزدەرى ىشكەنىمەن قويماي، بالاسىنا دا بەرگەن ەكەن. سونىڭ سالدارىنان بالا كوزىنەن ايىرىلعان.

عالامتورداعى مالىمەت بويىنشا، شىعىس ازەربايجان ايماعىندا الكوگولدى ىشىمدىكتەن 230 ادام ۋلانعان، ونىڭ 20-سى قايتىس بولعان. البورزدا دا 20 ادام ۋلانىپ، ولگەن. 

كوروناۆيرۋس جۇقتىرۋدان قورىققان تۇرعىنداردىڭ ىشىندە ىشۋگە بولمايتىن ونەركاسىپتىك سپيرت – مەتانولدى قولدانعاندار دا تابىلىپتى. بۇل ۋلى سپيرتتەن 7 ادامنىڭ كوز جۇمعانى بەلگىلى بولدى. تاعى ءتورت ادام مەتانولدىڭ ۋىتىنان كورۋدەن قالعان.

سوندىقتان دۇنيەجۇزىلىك دەنساۋلىق ساقتاۋ ۇيىمى الكوگولدى ىشىمدىكتەردەن باس تارتۋعا، رەسمي ەمەس اقپاراتتارعا سەنبەۋگە شاقىرادى. مامانداردىڭ ايتۋىنشا، اششى سۋ ۆيرۋستان قورعامايدى، كەرىسىنشە، اعزاعا زيان كەلتىرىپ، ساۋىعۋ پروتسەسىن كەشەۋىلدەتەدى.  ونىڭ ورنىنا دۇرىس تاماقتانىپ، سالاماتتى ءومىر سالتىن ۇستانعان ءجون.

 

قىمبات توقتامۇرات

 

سوڭعى جاڭالىقتار

ءبىلىم – باستى قۇندىلىق

ايماقتار • بۇگىن، 17:10

كوكپەكتىدە ساياباق اشىلدى

ايماقتار • بۇگىن، 15:48

ماڭعىستاۋدا دەلتاپلان قۇلادى

ايماقتار • بۇگىن، 11:24

ەلىمىزدە تاعى 55 ادام ىندەتتەن ايىقتى

كوروناۆيرۋس • بۇگىن، 09:00

الىستان جەتكەن العىس

ايماقتار • كەشە

تازالىق ءبىردىڭ ەمەس، مىڭنىڭ ءىسى

ايماقتار • 18 قىركۇيەك، 2020

قالا كۇنى ونلاين فورماتتا اتالىپ وتەدى

ايماقتار • 18 قىركۇيەك، 2020

بايتۇرسىنوۆ اتىنداعى بايقاۋ ءوتتى

قوعام • 18 قىركۇيەك، 2020

وبلىس اكىمى سىرداريا اۋدانىنا بولدى

ايماقتار • 18 قىركۇيەك، 2020

ءۇش ءتىلدىڭ ۇزدىكتەرى انىقتالدى

ايماقتار • 18 قىركۇيەك، 2020

حالىقارالىق سەمينار-كەڭەس ءوتتى

قازاقستان • 18 قىركۇيەك، 2020

ۇقساس جاڭالىقتار