«ۇكىمەت ەكسپورتتالاتىن شەتەل ۆاليۋتاسىنىڭ ءبىر بولىگىن ىشكى ۆاليۋتا نارىعىندا كۆازيمەملەكەتتىك سەكتور سۋبەكتىلەرىنە ساتۋعا شەشىم قابىلدادى» دەپ حابارلادى ۇلتتىق بانكتىڭ ءباسپاسوز قىزمەتى.
ۇلتتىق بانك وسىعان دەيىن قابىلدانعان شارالار ۆاليۋتا باعامىن تۇراقتاندىرۋعا, ۆاليۋتانى ۇسىنۋدى قامتاماسىز ەتۋگە, نەگىزسىز قۇبىلمالىلىقتىڭ الدىن الۋعا باعىتتالعانىن جانە ولار نەگىزگى ترەندتىڭ قالىپتاسۋىنا كەدەرگى جاسامايتىنىن ەسكە سالدى.
بۇعان دەيىن ءبىز پرەزيدەنت قاسىم-جومارت توقاەۆ ۆاليۋتا نارىعىنداعى جاعدايدى تۇراقتاندىرۋدى تاپسىرعانىن جازعانبىز. بۇل تاپسىرما كۆازيمەملەكەتتىك سەكتورعا ءوزىنىڭ ەكسپورتتىق كىرىسىنىڭ ءبىر بولىگىن ەلدىڭ ۆاليۋتا نارىعىندا ساتۋدى مىندەتتەدى.
